कोल्हापूर, दि. 12 (जिमाका) : राज्यातील पर्जन्यमानातील घट, अल-निनोचा प्रभाव
आणि संभाव्य दुष्काळसदृश परिस्थितीच्या पार्श्वभूमीवर उपलब्ध जलसाठ्याचे काटकसरीने
व नियोजनबद्ध व्यवस्थापन करून पिण्याच्या पाण्याची सुरक्षितता सुनिश्चित करण्यासाठी
मनपाडळे लघु पाटबंधारे तलावाच्या जलाशयातून शेतीसाठी पाणी उपसा करण्यास ठराविक कालावधीत
बंदी घालण्यात आली आहे. ही बंदी 31 ऑगस्ट 2027 पर्यंत उपलब्ध जलसाठ्याच्या व्यवस्थापनासाठी
लागू करण्यात येत असल्याची माहिती वारणा पाटबंधारे उपविभाग, कोडोलीचे उपविभागीय अभियंता
यांनी दिली.
महाराष्ट्र शासनाच्या पाटबंधारे विभागाच्या
आदेशानुसार, पाटबंधारे अधिनियम 1976 तसेच जलसंपदा विभागाच्या शासन निर्णयान्वये प्राप्त
अधिकारांतर्गत ही उपसाबंदी लागू करण्यात आली आहे. मनपाडळे ल.पा. तलाव, ता. हातकणंगले
येथील जलाशयावर शेतीसाठी पाणी उपसा करणाऱ्या यंत्रांवर पुढीलप्रमाणे बंदी राहणार आहे.
दि. 16 ते 30 नोव्हेंबर-15 दिवस, 8 ते 22 डिसेंबर- 15 दिवस, 30 डिसेंबर ते 13 जानेवारी
2027- 15 दिवस, 21 जानेवारी ते 4 फेब्रुवारी 2027- 15 दिवस, 12 ते 26 फेब्रुवारी
2027- 15 दिवस व 6 मार्च 2027 पासून पुढील आदेशापर्यंत उपसाबंदी करण्यात येणार आहे.
मनपाडळे ल.पा.तलाव ता. हातकणंगले
येथील वर नमुद केलेली उपसाबंदी अंमलात आणवयाच्या कार्यक्षेत्रातील महाराष्ट्र राज्य
विद्युत मंडळातील अधिकारी व क्षेत्रीय कर्मचारी यांनी मनपाडळे ल.पा. तलाव येथील जलाशयाच्या
तीरावर वर नमुद कालावधीसाठी शेतीसाठी पाणी उपसा करणा-या विद्युत उपसा यंत्राची तारामंडळे
काढुन घ्यावीत. तसेच या उपविभागांर्तगत शाखाधिकारी व कर्मचारी कोडोली पाटबंधारे शाखा
क्रं.१. कोडोली यांनी उपसा यंत्र सिल करुन उपसा बंदीची अमंलबजावणी काटेकोरपणे करावी.
उपसाबंदी कालावधीत अनाधिकृत उपसा
आढळून आल्यास. संबंधित उपसायंत्रधारकाचा उपसा परवाना एक वर्षाच्या कालावधीसाठी रद्द
करण्यात येईल व होणा-या नुकसानीस जलसंपदा विभाग जबाबदार राहणार नाही, असेही वारणा पाटबंधारे
उपविभागामार्फत पत्रकाव्दारे कळविण्यात आले आहे.
0000