स्वर्ण जयंती ग्रामस्वरोजगार योजनेअंतर्गत पन्हाळा येथे कार्यशाळा

कोल्हापूर दि. २८ : जिल्हा ग्रामीण विकास यंत्रणा, कोल्हापूर व पंचायत समिती पन्हाळा यांच्या वतीने   दि. १ मार्च २०१२ रोजी पन्हाळा येथे स्वर्ण जयंती ग्रामस्वरोजगार योजनेअंतर्गत एक दिवसीय कार्यशाळेचे आयोजन करण्यात आले आहे.

           ही कार्यशाळा नगरपरिषद हॉल, मयूर बाग येथे सकाळी १० ते ५ या वेळेत आयोजित करण्यात आली आहे. या कार्यशाळेसाठी बचत गटांचे अध्यक्ष व सचिव, अंगणवाडी सेविका, पर्यवेक्षीका, ग्रामसेवक, बँक प्रतिनिधी, बचत गटांशी संबंधित स्वयंसेवी संस्था यांना निमंत्रित केले आहे. या कार्यशाळेत बचत गटाची संकल्पना आणि कार्यपध्दती, उद्योजकता, जाणिव जागृती, व्यक्तिमत्व विकास, बचत गटांच्या उत्पादित वस्तूंच्या विक्रीचे कौशल्य, पॅकेजींग व मार्केटिंग, बचत गटाबाबत बँकांची भूमिका, विविध शासकीय योजनामध्ये बचत गटांचा सहभाग या विषयी मार्गदर्शन करण्यात येणार आहे. याचा लाभ घ्यावा, असे आवाहन पन्हाळा पंचायत समितीचे गट विकास अधिकारी यांनी केले आहे.