जिल्हा बाल कामगार मुक्त करू 7 डिसेंबरपर्यंत जनजागृती मोहीम

कोल्हापूर, (जि.मा.का.) दि. 6 : जिल्हा बाल कामगार मुक्त करण्यासाठी जिल्ह्यात 7 नोव्हेंबर ते 7 डिसेंबर या कालावधीत बाल कामगार प्रथेविरूध्द जनजागृती मोहीम राबविण्यात येणार असल्याची माहिती सहाय्यक कामगार आयुक्त अनिल गुरव यांनी दिली.

बाल व किशोरवयीन कामगार सुधारणा अधिनियम 2016 नुसार 14 वर्षाखालील बालकांना कामावर ठेवणे तसेच 14 ते 18 वयोगटातील मुलांना धोकादायक उद्योग व प्रक्रीयांमध्ये कामावर ठेवणे गुन्हा आहे. मालकाने किंवा नियोक्त्याने बाल अथवा किशोरवयीन मुलांना कामावर ठेवल्यास त्यांना 20 ते 50 हजार रूपये पर्यंत दंड  वा 6 महिने ते 2 वर्षापर्यंत कारावास होऊ शकतो किंवा दोन्हीही शिक्षा होऊ शकते. त्यामुळे बाल अथवा किशोरवयीन मुलांना कामावर ठेवू नये, असे आवाहन श्री. गुरव यांनी केले आहे.

0000