आयटीआय, तंत्रनिकेतन व महा-ई-सेवा केंद्गातून बेरोजगार उमेदवारांनी व उद्योजकांनी नोंदणी करावी

         कोल्हापूर दि. २० : बेरोजगार उमेदवारांनी नाव नोंदणी, शैक्षणिक पात्रता, अनुभव, संपर्क व पत्ता बदलणे, नोंदणीचे नुतनीकरण, दुय्यम ओळखपत्र देणे, संपर्क व पत्ता बदलून औळखपत्र देणे याचबरोबर उद्योजकांकरिता नवीन आस्थापनेची नोंदणी करणे, ईआर-१ व ईआर-२ विवरणपत्रे सादर करणे या सेवा ३ जानेवारी २०१२ पासून अधिकृत महा-ई-सेवा केंद्गे, शासकीय आय. टी. आय., पॉलिटेक्नीक, इंजिनिअरिंग कॉलेजेस आदीमधून ऑनलाईन पध्दतीने सशुल्क उपलब्ध करण्यात आलेल्या आहेत.

      यापुढे प्रत्येक तालुक्याच्या ठिकाणी तसेच इचलकरंजी शहरामध्ये प्रत्येक महिन्याच्या ठराविक तारखांना पंचायत समिती कार्यालयात होणारे फिरते नाव नोंदणी पथकाचे काम एप्रिल २०१२ पासून बंद करण्यात येत आहे. तरी कोल्हापूर जिल्ह्यातील उमेदवारांनी त्यांची नोंदणी सर्व शासकीय आय. टी. आय., शासकीय तंत्रनिकेतन महाविद्यालय येथील केंद्गात तसेच मे. स्पॅन्को लि. या कंपनीच्या कोल्हापूर जिल्ह्यातील महा-ई-सेवा केंद्गात करावी. या नवीन सुरु केलेल्या रोजगारविषयक सशुल्क सेवांचा लाभ कोल्हापूर जिल्ह्यातील बेरोजगार उमेदवार व उद्योजकांनी घ्यावा, असे आवाहन कोल्हापुरच्या जिल्हा रोजगार व स्वयंरोजगार मार्गदर्शन केंद्गाचे सहाय्यक संचालक गं. अ. सांगडे यांनी केले आहे.