नाशिक येथे विविध पदांसाठी सैन्य भरती

       कोल्हापूर दि. ३० : माजी सैनिकांचे पाल्य, सख्खे भाऊ, अविवाहीत शहीद जवानांचे सख्खे भाऊ. मुलगा नसलेल्या शहीद जवानांचे जावई (दत्तक मुलीच्या पतीसह) तसेच राज्य व राष्ट्रीय पातळीवरील खेळाडू यांच्यासाठी आर्टिलरी सेंटर, नाशिक रोड कॅम्प, नाशिक येथे त्यांच्या युनिट कोट्यातून २ ते ४ एप्रिल २०१२ कालावधीत सोल्जर जीडी, सोल्जर टेक्नीशियन, सोल्जर स्टोअर हॅड जनरल ड्युटी आणि सोल्जर ट्रेडसमेन पदासाठी सैन्य भरतीचे आयोजन करण्यात आले आहे.

      सर्व पदांसाठी साडेसतरा ते २१ वय असावे. सोल्जर जीडी पदासाठी दहावी पास, दहावीमध्ये ४५ टक्के गुण व ३२ टक्के कमीत कमी इंग्रजी, गणित व शास्त्रमध्ये आवश्यक, हायर एज्युकेशन असलेल्या विद्यार्थ्यांना ४५ टक्क्याची अट लागू नाही. सोल्जर टेक्नीकल पदासाठी १० + २ पास (भौतिकशास्त्र, केमिस्ट्री, गणित व इंग्रजी विषयासह), सोल्जर स्टोअर हॅड जनरल ड्युटी पदासाठी दहावी पास, सोल्जर ट्रेडसमेन पदासाठी चिफ आरटिसन/टेलर/ड्रेसर/वॉशरमॅन : दहावी पास, सोल्जर ट्रेडसमेन पदासाठी हाऊस किपर/मेस किपर : आठवी पास अशी शैक्षणिक अर्हता आहे.

      शैक्षणिक प्रमाणपत्र व गुणपत्रिका, रिलेशन सर्टिफिकेट, तहसिलदार, प्रांत, जिल्हाधिकारी यांचे  अधिवासी प्रमाणपत्र, चारित्र्याचा दाखला, दहा रंगीत पासपोर्ट आकाराची छायाचित्रे (संगणकावर काढलेले फोटो ग्राह धरले जाणार नाहीत), कुटुंबातील सर्व व्यक्तींचा रंगीत पासपोर्ट आकाराचे छायाचित्र व प्रत्येक व्यक्तीचे नाव, नाते, जन्मतारीख असलेले सरपंच यांच्या सही शिक्क्यासह प्रमाणपत्र, जातीचा दाखला, डिसचार्ज बुक/पीपीओची छायांकित प्रत, एनसीसी प्रमाणपत्राची छायांकित प्रत, आवश्यक असेल त्यांना मृत्यूचा दाखला, अविवाहीत असल्याबाबतचा दाखला आदी कागदपत्रे आवश्यक असतील.

      इच्छुकांनी आर्टिलरी सेंटर, नाशिक रोड, कॅम्प नाशिक, येथे दि. २ एप्रिल २०१२ रोजी सकाळी ६ वाजता आवश्यक कागदपत्रांसह भरतीसाठी उपस्थित रहावे, असे आवाहन जिल्हा सैनिक कल्याण अधिकारी, कोल्हापूर यांनी केले आहे.