बालिका सौम्या हिच्या पुनर्वसनासाठी पालकांनी संपर्क साधावा

 

कोल्हापूर दि. 16 (जिमाका): जिल्हा परिवीक्षा अनुरक्षण संघटन संचलित शिशुगृह येथे चार वर्षाची चि. सौम्या हि 4 सप्टेंबर 2017 रोजी बाल कल्याण समिती यांच्या मार्फत जिल्हा परिवीक्षा व अनुरक्षण संघटना संचलित शिशुगृह यांच्याकडे  दाखल करण्यात आली आहे. या बालिकेचे पालक अथवा नातेवाईक आजतागायत चौकशी किंवा भेटायला आले नाहीत. 

या बालिकेच्या पुर्नवसनासाठी बालिकेच्या पालक किंवा नातेवाईकांनी जिल्हा परिवीक्षा व अनुरक्षण संघटना संचलित शिशुगृह, कोल्हापूर येथे संपर्क साधावा, असे आवाहन जिल्हा महिला व बाल विकास अधिकारी एस. व्ही. पाटील यांनी केले आहे.

00000