कोल्हापूर, दि. 23 (जिल्हा माहिती कार्यालय): जिल्हा कौशल्य विकास रोजगार व उद्योजकता मार्गदर्शन केंद्र व शासकीय औद्योगिक प्रशिक्षण संस्था यांच्या संयुक्त विद्यमाने ऑनलाईन जॉब फेअरचे दि 24 ते 26 नोव्हेंबर या कालावधीत आयोजीत केले असल्याचे कौशल्य विकास,रोजगार व उद्योजकता मार्गदर्शन केंद्र सहायक आयुक्त सं.कृ. माळी यांनी कळविले आहे.
हा मेळावा केवळ ऑनलाईन पसंतीक्रम नोदविणा-या उमेदवारांसाठीच आहे.
जिल्हयातील इच्छुक उमेदवारांनी संधीचा लाभ घ्यावा. युझर आयडी व पासवर्डच्या आधारे www.rojgar.mahaswayam.gov.in
या संकेतस्थळावर शैक्षणिक पात्रतेनुसार उचित असलेल्या रिक्तपदासाठी पसंतीक्रम व उत्सुकता
ऑनलाईन पध्दतीने नोंदवावी.
इच्छुक व ऑनलाईन पसंतीक्रम नोंदविणा-या उमेदवारांना त्यांच्या पसंतीक्रमानुसार व उद्योजकांच्या सोईनुसार मुलाखतीचे ठिकाण, दिनांक व वेळ एसएमएस अलर्टं द्वारे कळविण्यात येईल व शक्य असेल तिथे ऑनलाईन किंवा ऑफलाईन मुलाखतींचे आयोजन करण्यात येईल.
इच्छुक युवक युवतींनी दि.24
नोव्हेंबर पर्यंत पसंतीक्रम नोंदवून या संधीचा न चुकता लाभ घ्यावा. असे आवाहन सहाय्यक आयुक्त
श्री. माळी यांनी केले आहे. अधिक माहितीसाठी दूरध्वनी क्र 0231-2545677 वर संपर्क साधावा.
0 0 0 0 00
No comments:
Post a Comment
Note: Only a member of this blog may post a comment.