पणजी येथे 50 वी डाक अदालत

कोल्हापूर दि. 25 (जिमाका) : पोस्ट मास्तर जनरल, गोवा रिजन पणजी व्दारे दि. 21 डिसेंबर रोजी सकाळी 12 वा. पोस्टमास्तर जनरल, गोवा रिजन पणजी यांच्या कार्यालयामध्ये 50 वी डाक अदालतीचे आयोजन करण्यात आले असल्याची माहिती प्रवर अधीक्षकांनी दिली.

गोवा रिजनशी संबंधित पोस्टाच्या सेवेविषयी किंवा कामकाजाबद्दल ज्या तक्रारींचे निवारण सहा आठवड्याच्या आत झालेले नसेल व समाधानकारक उत्तर मिळाले नसेल अशा तक्रारींची या डाक अदालतध्ये दखल घेतली जाईल. विशेषत: टपाल वस्तू/ मनीऑर्डर/ बचत खाते/ प्रमाणपत्र इत्यादी बाबतच्या तक्रारी विचारात घेतल्या जातील. तक्रारींचा उल्लेख सर्व तपशिलासह केलेला असावा. उदा. तारीख व ज्या अधिकाऱ्यास मूळ तक्रार पाठविली असेल त्याचे नाव, हुद्दा इ.

संबंधितांनी डाक सेवेबाबतची आपली तक्रार डाक अदालतीचे सेक्रेटरी रमेश प्रभू सहायक निदेशक आणि सचिव, डाक अदालत, पोस्टमास्तर जनरल यांचे कार्यालय, गोवा रिजन पणजी 403001 यांच्या नावे दोन प्रतींसह दि. 10 डिसेंबर पर्यंत अथवा तत्पूर्वी पोहचेल अशा रितीने पाठवावी. त्यानंतर आलेल्या तक्रारींची या डाक अदालतीमध्ये दखल घेतली जाणार नाही.

00000