कोल्हापूर, दि.3 (जिमाका): कोरोना प्रादुर्भाव व ओमायक्रॉन विषाणू प्रतिबंधाच्या
दृष्टीने आजपासून 15 ते 18 वर्षे वयोगटातील लाभार्थ्यांना शाळा व महाविद्यालयाच्या
ठिकाणी कोविड-19 लसीकरण करण्यात येत आहे. 15 ते 18 वर्ष वयोगटातील 9 हजार 318 विद्यार्थ्यांचे
आज पहिल्या दिवशी जिल्ह्यात लसीकरण झाल्याची माहिती जिल्हा लसीकरण अधिकारी फारुख देसाई
यांनी दिली.
विवेकानंद कॉलेज व कमला कॉलेज येथील लसीकरण
केंद्रांना आज पालकमंत्री सतेज पाटील यांनी भेट देवून लस घेतलेल्या विद्यार्थ्यांशी
संवाद साधला.
जिल्ह्यात आज अखेर 18 वर्षावरील 92 टक्के
लाभार्थ्यांना पहिला डोस व 68 टक्के लाभार्थ्यांना दुसऱ्या डोसचे लसीकरण करण्यात आले
आहे.
कोल्हापूर जिल्ह्यात 15 ते 18 वर्षे वयोगटातील लाभार्थ्यांचे
लसीकरण लवकरात लवकर पूर्ण होण्यासाठी शहर व ग्रामीण भागातील शाळांमध्ये आजपासून लसीकरण
सत्रे सुरू करण्यात आली असून सन 2007 पूर्वी जन्मलेले लाभार्थी लसीकरणास पात्र आहेत.
00000
कोणत्याही टिप्पण्या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.