कोल्हापूर, दि. 17 (जिमाका) : पंचगंगा पाटबंधारे उपविभाग, कोल्हापूर
अंतर्गत उपवडे ल.पा. तलाव ता. करवीर येथील जलाशयातील पाण्यावर व डी.पी. वर
शेतीसाठी पाणी उपसा करणाऱ्या उपसा यंत्रावर उपसा बंदी करण्याचे आदेश पंचगंगा
पाटबंधारे उपविभागाचे सहायक अभियंता संदिप दावणे यांनी दिले आहेत.
उपसाबंदी उपसा कालावधीतील कार्यवाहीचा भाग उपवडे
धरणाचा जलाशय व धरण पायथ्यापासून बोलोली को.प. बंधाऱ्यापर्यंत हरवळ नाल्यावर तसेच
उपवडे जलाशयातून शेतीसाठी उपसा करणाऱ्या उपसा यंत्रावर उपसा बंदी कालावधी
खालीलप्रमाणे आहे.
उपवडे ल.पा. तलाव जलाशयात दि. 10 ते 21 जानेवारी - 12 दिवस, दि. 27
जानेवारी ते 7 फेब्रुवारी -12 दिवस, दि. 14 ते 25फेब्रुवारी -12 दिवस, दि. 3 ते 14
मार्च -12 दिवस व 20 मार्च ते पुढील आदेश होईपर्यंत राहील.
उपवडे धरणपायथ्यापासून ते बोलोली को.प. बंधाऱ्यापर्यंत दि. 21 ते 24 जानेवारी 4 दिवस, दि. 28 ते
31 जानेवारी 4 दिवस, 4 ते 7 फेब्रुवारी 4
दिवस, 11 ते 14 फेब्रुवारी 4 दिवस, 18 ते 21 फेब्रुवारी 4 दिवस, 25 ते 28
फेब्रुवारी 4 दिवस, 4 ते 7 मार्च 4 दिवस व 14 मार्च ते पुढील आदेशापर्यंत राहील.
जिल्ह्यातील वर नमुद केलेल्या उपसाबंदी अमंलात
आणावयाच्या कार्यक्षेत्रातील विद्युत मंडळातील अधिकारी व क्षेत्रीय कर्मचारी यांनी वर नमुद केलेल्या
उपवडे ल.पा. तलाव येथील जलाशयातील सर्व तीरावर वर नमुद केलेल्या कालावधीसाठी
शेतीसाठी पाणी उपसा करणाऱ्या विद्युत उपसायंत्राची तारामंडळे काढून घ्यावीत. तसेच
महसूल विभागातील अधिकारी व कर्मचारी यांनी उपसा तेल यंत्रांना सिल करावे व उपसा
बंदीची अंमलबजावणी काटेकोरपणे करावी.
वरील कालावधीमध्ये
पिण्याच्या पाणी पुरवठा व्यतिरिक्त इतर कारणासाठी (औद्योगिक व शेतीसाठी उपसाबंदी
कालावधीत अनाधिकृत उपसा आढळून आल्यास संबंधित उपसायंत्र जप्त करून परवानाधारकाचा
उपसा परवाना 1 वर्षाच्या कालावधीसाठी रद्द करण्यात येईल व होणाऱ्या नुकसानीस
पाटबंधारे खाते जबाबदार राहणार नाही.)
00000
कोणत्याही टिप्पण्या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.