प्रधानमंत्री पीक विमा योजनेसाठी पुन:श्च मुदतवाढ

कोल्हापूर, दि. 29 (जिमाका) : प्रधानमंत्री पीक विमा योजनेत कर्जदार व बिगर कर्जदार शेतकऱ्यांना सहभागी होण्यासाठी दिनांक 31 जुलै पर्यंत मुदतवाढ करण्यात आली असल्याचे कृषि विभागामार्फत कळविण्यात आले आहे.

       शेतकऱ्यांना येणाऱ्या तांत्रिक अडचणी व त्यांना पुरेसा कालावधी उपलब्ध करून देण्याच्या उद्देशाने प्रधानमंत्री पीक विमा योजना खरीप हंगामामध्ये सहभागी होण्यासाठी 29 जुलै पासून दिनांक 31 जुलै पर्यंत पुन:श्च मुदतवाढ देण्यात येत आहे.

        योजनेत सहभागी होण्यासाठी बँक व आपले सरकार सेवा केंद्रामार्फत बिगर कर्जदार शेतकऱ्यांचे विमा अर्ज स्विकारण्यात येत आहे. शेतकऱ्यांनी प्रधानमंत्री पीक विमा योजनेंतर्गत पीक विमा संरक्षण मिळण्यासाठी विहीत मुदतीपूर्वी नजिकच्या बँक व आपले सरकार सेवा केंद्रावर विमा हप्त्यासह तसेच आवश्यक कागदपत्रांसह विमा प्रस्ताव सादर करावा.

          अधिक माहिसाठी विभागीय कृषि सह संचालक, जिल्हा अधिक्षक कृषि अधिकारी, उपविभागीय कृषि अधिकारी, तालुका कृषि अधिकारी यांच्या कार्यालयाशी तसेच बँक, आपले सरकार सेवा केंद्राशी संपर्क साधावा.

00000