विना मास्क 65 जणांना कुरुंदवाड नगरपरिषदेकडून 6 हजार 500 दंड

 

कोल्हापूर, दि. 9 (जिल्हा माहिती कार्यालय) : जिल्ह्यातील कुरुंदवाड नगरपरिषदेने आज विना मास्क फिरणाऱ्या 65 जणांकडून 6 हजार 500 रुपयांचा दंड वसूल केला आहे.

 कुरुंदवाड नगरपरिषदेने तीन पथकाची स्थापना करुन विना मास्क फिरणाऱ्या नागरिकांवर कारवाई सुरु केली आहे. आजअखेर 1 हजार 95 जणांकडून 1 लाख 9 हजार 500 रुपये दंडाची वसुली केली आहे.

   चंदगड नगरपंचायतीकडून विना मास्क फिरणाऱ्या 6 नागरिकांकडून 700 रुपये दंड वसूल केला आहे.

गडहिंग्लज नगरपरिषदेकडून आज विना मास्क फिरणाऱ्या 10 नागरिकांकडून 1200 रुपये दंड वसूल केला आहे. आज पर्यंत 1820 नागरिकांकडून 2 लाख 67 हजार 900 रुपये दंड वसूल केला आहे.

जयसिंपूर नगरपरिषदेमार्फत 6 विना मास्क व्यक्तींकडून आजच्या दिवशी 600 रुपये दंड वसूल करण्यात आला आहे. आज अखेर विना मास्क 1071 व्यक्तींकडून 1 लाख 10 हजार 380 रुपये, सार्वजनिक ठिकाणी थुंकणाऱ्या एक व्यक्तीकडून 70 रुपये दंड वसूली केला.