अनुसूचित जातीच्या कुटुंब प्रमुखाचा मृत्यू झाल्यास कुटुंबियांचे पुनर्वसन करण्यासाठी SMILE कर्ज योजना

 

 

       कोल्हापूर, दि. 24 (जिल्हा माहिती कार्यालय) : महात्मा फुले मागासवर्ग विकास महामंडळामार्फत कोविड-19 या जागतिक महामारीत अनुसूचित जातीच्या कुटुंबप्रमुखाचा मृत्यू झाला आहे, त्या कुटुंबियांचे पुनर्वसन करण्यासाठी and Support for Individuals for Livelihoods Enterprie (SMILE) ही व्यवसायासाठी कर्ज योजना राबविण्यात येणार आहे. योजनेसाठी दिनांक 30 जून पर्यंत ऑनलाईन अर्ज करावेत, असे महात्मा फुले मागासवर्ग विकास महामंडळाचे जिल्हा व्यवस्थापकांनी कळविले आहे.

        योजनेची माहिती व अटी, शर्ती याप्रमाणे- तपशील/प्रकल्प मुल्य- रूपये  1  लाख ते 5 लाखा पर्यंत, एनएसएफडीसी सहभाग-80 टक्के, भांडवल अनुदान-20 टक्के, व्याजदर-6 टक्के, परतफेडीचा कालावधी-6 वर्ष.  अर्जदार अनुसुचित जातीतील असावा. अर्जदाराचे वार्षिक उत्पन्न रूपये 3 लाख पर्यंत असावे. अर्जदार हा कोरोनाने मृत्यु पावलेल्या कुटुंब व प्रमुखाच्या कुटुंबातील सदस्य असावा. (कुटुंब प्रमुखाच्या रेशनकार्डवर सदस्याचे नाव असणे बंधनकारक) मृत्यू पावलेल्या व्यक्तीची वयोमर्यादा 18 ते 60 च्या दरम्यान असावी. मृत्यु पावलेल्या प्रमुखाची मिळकत कुटुंबाच्या एकूण मिळकतीपेक्षा जास्त असणे आवश्यक आहे.

कोरोनाने मृत्यु पावलेल्या व्यक्तीसाठी  महानगरपालिका /नगरपालिका यांनी दिलेले मृत्यु प्रमाणपत्र. स्मशानभूमी प्राधिकारणाने दिलेली पावती. एखादया गावात स्मशानभूमी नसल्या गट विकास अधिकाऱ्याने दिलेले मुत्यू प्रमाणपत्र इत्यादी दस्तावेज आवश्यक आहेत.

यासाठी  मयत व्यक्तीचे नाव व पत्ता, आधारकार्ड, उत्पन्नाचा दाखला (रू.3.00 लाख पर्यत), कोविड -19 मुळे मरण पावलेल्या व्यक्तीचा मृत्यूचा दाखला, रेशन कार्ड, वयाचा पुरावा इत्यादी  कागदपत्रे आवश्यक आहेत.

 कोविड -19 च्या प्रादुर्भावामुळे मृत्यु झालेल्या कुटुंबातील व्यक्तीने महामंडळाच्या जिल्हा कार्यालयात किंवा  https://forms,gle/7mG8CMeeLkmWGt6K7 या लिंक वर  माहिती भरावी. 

 00 0 0 0 0