जिल्ह्यात येण्यासाठी 17 हजार 365 तर बाहेर जाण्यासाठी 37 हजार 968 जणांची https://bit.ly/Kopentryexit वर नोंदणी -जिल्हाधिकारी दौलत देसाई

            कोल्हापूर, दि. 8 (जिल्हा माहिती कार्यालय) :  कोल्हापुरात प्रवेश करण्यासाठी 17 हजार 365 जणांनी तर जिल्ह्याबाहेर जाणाऱ्या 37 हजार 968 जणांनी  प्रशासनाने तयार केलेल्या https://bit.ly/Kopentryexit या लिंकवर आपली माहिती भरली. आज सायंकाळी 7 वाजेपर्यंत एकूण 55 हजार 333 जणांनी नोंदणी केल्याची माहिती, जिल्हाधिकारी दौलत देसाई यांनी आज दिली.

        लॉकडाऊनमुळे जिल्ह्यामध्ये स्थलांतरित कामगार, विद्यार्थी, पर्यटक, यात्रेकरु, प्रवासी आणि इतर नागरिक अडकले आहेत. अशा व्यक्तींना आपापल्या जिल्ह्यांमध्ये तसेच राज्यामध्ये जाण्यासाठी शासनाने धोरण निश्चित केले आहे. या धोरणानुसार कोल्हापूर जिल्ह्यामधून बाहेर जाणाऱ्या तसेच बाहेरच्या जिल्ह्यामधून कोल्हापूर जिल्ह्यात येण्यासाठी जिल्हा प्रशासनाने  https://bit.ly/Kopentryexit ही लिंक तयार केली आहे. यावर माहिती भरण्याचे आवाहन करण्यात आले होते.

            आज सायंकाळी 7 वाजेपर्यंत यावर जिल्ह्यात प्रवेशासाठी 17 हजार 365 जणांनी, जिल्ह्याबाहेर जाण्यासाठी 37 हजार 968 जणांनी या लिंकवर नोंदणी केली आहे. 

000000