निवृत्तीवेतनधारकांनी 31 डिसेंबरपर्यंत हयातीच्या दाखल्यावर स्वाक्षरी करावी

 

          कोल्हापूर, दि. 29 (जिमाका): दरवर्षीप्रमाणे हयातीचा दाखला बँकेमध्ये देण्यासाठी विहीत नमुन्यातील याद्या ज्या बँकेतून निवृत्तीवेतनधारक/ कुटुंब निवृत्तीवेतनधारक निवृत्तीवेतन घेत आहेत त्या बँकेच्या शाखेकडे पाठविण्यात आल्या आहेत. या याद्यांवर दि. 31 डिसेंबरपर्यंत स्वाक्षरी करावयाची आहेत.

       याद्यांवर स्वाक्षरी करताना आपल्या नावासमोरच स्वाक्षरी करावी. जे निवृत्तीवेतनधारक स्वाक्षरी करणार नाहीत त्यांचे माहे जानेवारी 2022 चे निवृत्तीवेतन अदा करण्यात येणार नाही. त्यामुळे 31 डिसेंबरपर्यंत याद्यांवर स्वाक्षरी करण्याचे आवाहन कोषागार अधिकारी  म.शि.कारंडे यांनी केले आहे.

00000