अपंग बालकांना शासकीय संस्था मिरज येथे मोफत प्रवेश

 

कोल्हापूर, दि. 24 (जिल्हा माहिती कार्यालय): अपंग (अस्थिव्यंग) बालकांसाठी मोफत शिक्षण, वसतीगृह व गरजेनुसार अस्थिव्यंगोपचार शस्त्रक्रिया व कृत्रिम अवयव पुरविणारी शासकीय निवासी संस्था किल्ला भाग मिरज येथे आहे. या संस्थेत सन 2020-21 या शैक्षणिक वर्षासाठी प्रवेश प्रक्रिया सुरु असल्याचे शासकीय अंपग बालगृहाचे अधिक्षक यांनी कळविले आहे.

ही मोफत शिक्षण सुविधा असून संस्थेच्या परिसरात 1 ली ते 4 थी पर्यंतचे मोफत शिक्षण, इयत्ता 5 वी पासून पुढील शिक्षण माध्यमिक शाळेमार्फत, माध्यमिक शाळेत जाण्यासाठी व येण्यासाठी मोफत वाहतुकीची सुविधा, पाठ्यपुस्तके वह्या, इतर शैक्षणिक साहित्य व शालेय गणवेश मोफत, मुलींसाठी विशेष काळजी घेण्यासाठी महिला काळजीवाहक असणार आहे.

            वसतिगृहात अपंग मुला-मुलींची स्वतंत्र निवास व्यवस्था व मोफत जेवणाची सुविधा आहे. प्रत्येक विद्यार्थ्यांस कॉट, गादी, बिछनाव इतर साहित्याचा मोफत पुरवठा, दररोज अंघोळीसाठी गरम पाणी, शुध्द व थंडगार पाण्याची सुविधा.

            शस्त्रक्रिया भौतिकोपचार सुविधा- अस्थिव्यंगोपचार तज्ञांच्या सल्ल्यानुसार गरजेनुसार शस्त्रक्रिया व भौतिकोपचार सुविधा, गरजेनुसार कृत्रिम अवयव, कुबड्या, तीन चाकी सायकल वाटप.

            प्रवेशाबाबत अटी- प्रवेशित अस्थिव्यंग असला पाहिजे, वयोगट 6 ते 14 वर्षे, अर्जासोबत सिव्हील सर्जन यांनी दिलेल्या अपंगत्वाचा दाखला, शाळा सोडल्याचा दाखला, उत्पन्नाचा दाखला, 3 फोटो. प्रवेश अर्ज व महितीपत्रक अधीक्षक, शासकीय अपंग बालगृह व शाळा, किल्ला भाग, बी. एस. एन. एल. ऑफिस शेजारी, मिरज 416410 या पत्यावर समक्ष अथवा पोस्टाद्वारे मोफत मिळतील असे पाठवावे. अधिक माहितीसाठी 9325555981, 9860642680, 9422216459, 9130448195 या क्रमांकावर संपर्क साधावा.

0000