कोल्हापूर दि. २८ : इमारत व इतर बांधकाम कामगार (रोजगार व सेवाशर्ती नियमन) अधिनियम १९९६ व नियम २००७ नुसार कोल्हापूर जिल्ह्यात इमारत व इतर बांधकामावर काम करणार्या कामगारांची नोंदणी प्रक्रिया सुरु करण्यात आली आहे. यासाठी १८ ते ६० वयोगटातील बांधकाम कामगारांनी नोंदणीसाठी विहित नमुन्यातील अर्जासोबत पासपोर्ट आकाराच्या दोन छायाचित्रासह नोंदणी फी पंचवीस रुपये, मासिक वर्गणी रुपये पाचप्रमाणे एका वर्षाची साठ रुपये, इमारत व इतर बांधकामावर किमान ९० दिवस काम असल्याबाबतचे नियोक्त्याचे प्रमाणपत्र सादर करावे. अधिक माहितीसाठी सहाय्यक कामगार आयुक्त कार्यालय, कोल्हापूर व इचलकरंजी येथे संपर्क साधावा असे कोल्हापुरच्या सहाय्यक कामगार आयुक्तांनी कळविले आहे.
