सर्व शिक्षा अभियानासाठी राज्य शासनाकडून 193 कोटीचा निधी

     कोल्हापूर, दि. 20 :  केंद्र पुरस्कृत सर्व शिक्षा अभियान या कार्यक्रमाकरीता केंद्र शासनाने सन 2015-16 करीता 1632 कोटी 1 लाख 53  हजार रुपये ऐवढ्या निधीची वार्षिक कार्य योजना राज्यासाठी मंजूर केली आहे. या योजनेसाठी केंद्र व राज्य शासनाच्या हिस्स्याचे प्रमाण 50-50 असे आहे. सन 2015 च्या पावसाळी अधिवेशनात सर्व शिक्षा अभियान योजनेच्या राज्य हिस्स्यासाठी 276 कोटी 1 लाख इतकी पुरवणी मागणी मंजूर करण्यात आली असून या मागणीच्या 70 टक्के निधी राज्य शासनातर्फे वितरीत करण्यात येत आहे.

     राज्य हिस्सासाठी मंजूर केलेल्या पुरवणी मागणीच्या 70 टक्के प्रमाणात 193 कोटी 20 लाख 70 हजार इतका निधी महाराष्ट्र प्राथमिक शिक्षण परिषद, मुंबई यांच्याकडे सर्व शिक्षा अभियान कार्यक्रमाच्या अंमलबजावणीसाठी सुपूर्द करण्यात येणार आहे.

     शासन निर्णय महाराष्ट्र शासनाच्या www.maharashtra.gov.in  सा संकेतस्थळावर उपलब्ध आहे. त्याचा संकेतांक 201510201726013221 असा आहे.

0 0 0 0  0