कोल्हापूर दि. 26 (जिमाका): राजर्षी छत्रपती शाहू
महाराज यांच्या जयंतीचे औचित्य साधून छत्रपती शाहू महाराजांचा जीवनपट उलगडणाऱ्या ऐतिहासिक
दुर्मिळ कागदपत्रांचे व छायाचित्रांचे एक दिवसीय प्रदर्शन केशवराव भोसले नाट्यगृह येथील
भालजी पेंढारकर कलादालन येथे भरवण्यात आले आहे. हे प्रदर्शन कोल्हापूर महानगरपालिका
व पुरातत्व विभागाच्यावतीने भरविले आहे. या प्रदर्शनाचा शुभारंभ पालकमंत्री दीपक केसरकर
यांच्या हस्ते फित कापून करण्यात आला. यामध्ये प्रामुख्याने छत्रपती शाहू महाराजांचे
दत्तक विधान, महाराजांचे राज्यारोहन, शाहू कालीन पत्रव्यवहार, शाहू महाराजांनी दीन-दुबळ्यांसाठी,
समाजाच्या उद्धारासाठी केलेले कार्य, शाहू महाराजांचे शैक्षणिक, सामाजिक, सांस्कृतिक,
वैद्यकीय, कला, क्रीडा व अन्य विविध क्षेत्रातील कार्य, प्रशासकीय आदेश तसेच महाराजांनी
राज्यकारभार करताना वेळोवेळी घेतलेले निर्णय यांची महत्त्वाची निवडक कागदपत्रे प्रदर्शनात
ठेवली आहेत. त्याचबरोबर शाहूकालीन दुर्मिळ छायाचित्रेही लावण्यात आली आहेत.
यावेळी
जिल्हाधिकारी राहुल रेखावार, जिल्हा पोलीस अधीक्षक महेंद्र पंडीत, अतिरिक्त आयुक्त
रविकांत आडसूळ, केशव जाधव, पुरालेखागार विभागाच्या सहायक संचालक दिपाली दिवटे, मोडीज्ञान
सहाय्यक बाजीराव वाडकर, गणेश खाडके, शहर अभियंता हर्षजीत घाटगे, आरोग्याधिकारी डॉ.रमेश
जाधव आदी उपस्थित होते.
00000000
कोणत्याही टिप्पण्या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.