जिल्हा सैनिक कल्याण अधिकारी यांचा जुलै महिन्यातील जिल्हा दौरा कार्यक्रम

कोल्हापूर दि. 30 : कोल्हापूर जिल्ह्यातील माजी सैनिक, विधवा व अवलंबितांचे प्रश्न सोडविण्यासाठी तसेच कल्याण व पुनर्वसनाच्यादृष्टीने योजना व सवलतींची माहिती देण्यासाठी जिल्हा सैनिक कल्याण अधिकारी यांनी जुलै 2012 मध्ये जिल्हा दौरा कार्यक्रमाचे आयोजन केले आहे. या कालावधीत ते विविध तालुक्यांना तसेच सिंधुदुर्ग जिल्ह्यास भेट देऊन सैनिक आणि त्यांच्या कुटुंबियांचे प्रश्नही जाणून घेणार आहेत. दौर्‍यातील कार्यक्रमानुसार माजी सैनिक/विधवा/अवलंबितांनी उपस्थित रहावे, असे आवाहन जिल्हा सैनिक कल्याण अधिकारी, कोल्हापूर यांनी प्रसिध्दी पत्रकान्वये केले आहे.

      जिल्हा सैनिक कल्याण अधिकारी यांच्या तालुकानिहाय दौर्‍याचा कार्यक्रम पुढीलप्रमाणे असून आपल्या दौर्‍यात ते बहुतांश ठिकाणी तहसिलदार कार्यालयात संबंधितांची भेट घेतील. या व्यतिरिक्त ठिकाणाचा स्वतंत्र उल्लेख करण्यात आला आहे. दि. 3 जुलै 2012 रोजी राधानगरी, 3 जुलै 2012 जिल्हा सैनिक कल्याण कार्यालय सिंधुदुर्ग, 4 जुलै 2012 जिल्हा सैनिक कल्याण कार्यालय सिंधुदुर्ग, 5 जुलै 2012 रोजी कागल, 10 जुलै 2012  रोजी चंदगड, 11 जुलै 2012 रोजी गडहिंग्लज, 12 जुलै 2012 माजी सैनिक संघटना टाकळी,  17 जलै 2012 रोजी हातकणंगले, 18 मे 2012 रोजी भुदरगड,  19 जुलै 2012 रोजी शाहूवाडी, 20 जुलै 2012 रोजी आजरा, 27 जुलै 2012 रोजी शिरोळ, 30 जुलै 2012 जिल्हा सैनिक कल्याण कार्यालय, 31 जुलै 2012 रोजी जिल्हा सैनिक कल्याण कार्यालय, असा त्यांचा दौरा कार्यक्रम आहे.

      सर्व दौर्‍यांची वेळ सकाळी 11 ते दुपारी 3 अशी असून सदर दिवशी शासकीय किंवा इतर सुट्टी असल्यास त्या तालुक्याचा दौरा पुढील महिन्यात घेण्यात येईल, असे जिल्हा सैनिक कल्याण अधिकारी, कोल्हापूर यांनी कळविले आहे.