कोल्हापूर, दि. १६ : कोल्हापूरची क्रीडा परंपरेची पताका
आंतरराष्ट्रीय स्तरावरही फडकत ठेवेन. कोल्हापूरबरोबरच देशाचे नावही उज्वल होईल अशी
ऑलिपिंकमध्ये कामगिरी करू, असा विश्वास कोल्हापूरची बास्केटबॉलपटू आणि लंडन ऑलिपिंकसाठी पंच म्हणून निवड
झालेली स्नेहल बेंडके हिने व्यक्त केला.
लंडन ऑलिपिंक स्पर्धेसाठी बास्केटबॉल पंच म्हणून स्नेहल बेंडकेची निवड झाली
आहे. यानिमित्त तीचा गृह ग्रामविकास औषधे व प्रशासन राज्यमंत्री सतेज पाटील
यांच्या हस्ते सत्कार करण्यात आला. त्यावेळी तीने आपल्या कारकीर्दीचा आलेख उलगडून
सांगितला.
ऑलिपिंकसाठी पंच म्हणून निवड झालेली मी पहिलीच बास्केटबॉलपटू आहे याचा मला
अतिशय आनंद झाला. आहे आणि अभिमान ही वाटतो. ऑलिंपिक स्पर्धेत एक पंच म्हणून चांगली
कामगिरी करुन कोल्हापूर बरोबरच देशाचे नावही उज्वल करेन अस विश्वास स्नेहलने
व्यक्त केला.
ऑलिपिकसाठी पंच म्हणून निवड होण्यासाठी लेखी परीक्षा, शारीरीक चाचणी आणि मागील काही स्पर्धातील कामगिरीचा विचार केला जातो. या तीनही
आघाड्यावर सरस ठरल्यामुळे स्नेहलची ऑलिपिक स्पर्धेसाठी पंच म्हणून निवड झाली आहे.
कोल्हापूरला मोठी क्रीडा परंपरा आहे. येथील अनेक खेळाडूंनी आंतरराष्ट्रीय स्तरावर
चमकदार कामगिरी करुन देशाचे नाव रोशन केले आहे. खेळातच नाही तर क्रीडा प्रशासन आणि
संयोजन या मध्ये ही कोल्हापूरचे खेळाडू मागे नाहीत हे स्नेहलने दाखवून दिले आहे.
स्नेहल ऑलिपिक स्पर्धेत निश्चितच चांगली कामगिरी करेल, असा विश्वास गृह, ग्रामविकास औषधे व प्रशासन राज्य मंत्री सतेज
पाटील यांनी व्यक्त केला.
स्नेहल २००० मध्ये बास्केटबॉल खेळण्यास सुरवात केली. २००३ ते २००६ या कालवधीत
तीने शिवाजी विद्यापीठाकडून अनेक स्पर्धांत प्रतिनिधीत्व केले. २००५ मध्ये ती
राज्य स्तरावरील पंच परीक्षा उत्तीर्ण झाली. २००६ मध्ये ती आंतरराष्ट्रीय पंच
परीक्षा उत्तीर्ण झाली. २००९ मध्ये चेन्नईत झालेल्या आशियाई महिला बास्केटबॉल
स्पर्धेत तीने आंतरराष्ट्रीय स्पर्धेत पदार्पण केल. गेल्या वर्षी चीन मध्ये झालेल्या आशियाई स्पर्धेच्या अंतिम सामन्यात
तीने पंच म्हणून काम केले.
कोणत्याही टिप्पण्या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.