कोल्हापूर, दि.
१० : लाभार्थ्यांना बीज भांडवल योजनेतून धनादेश देऊन महात्मा फुले मागासवर्ग विकास
महामंडळचा वर्धापनदिन आज येथील जिल्हा कार्यालयात साजरा करण्यात आला.
कार्यक्रमाच्या अध्यक्षस्थानी विशेष जिल्हा समाज कल्याण अधिकारी तथा सहाय्यक
आयुक्त विजयकुमार गायकवाड उपस्थित होते.
मुख्य प्रशासकीय इमारतीतील महामंडळाच्या कार्यालयात हा कार्यक्रम झाला.
अनुसुचित जाती व नवबौध्द लोकांना स्वयंरोजगारासाठी अर्थसहाय्य उपलब्ध करुन
देण्याच्या उद्देशाने महाराष्ट्र शासनाने १० जुलै १९७८ रोजी महामंडळाची स्थापना
केली आहे. येथील जिल्हा कार्यालयामार्फत महामंडळाच्या विविध योजना राबविण्यात
येतात. त्यापैकी बीज भांडवल योजनेतून लाभार्थ्यांना श्री. विजय कुमार गायकवाड
यांच्या हस्ते धनादेश वितरित करण्यात आले. यावेळी महात्मा फुले मागासवर्ग विकास
महामंडळाचे जिल्हा व्यवस्थापक शिवाजीराव केसकर, लोकशाहीर आण्णा भाऊ साठे
विकास महामंडळाचे जिल्हा व्यवस्थापक के. के. गायकवाड, वसंतराव
नाईक विमुक्त जाती व भटक्या जमाती महामंडळाचे जिल्हा व्यवस्थापक टी. एम. पाटील.
आदी उपस्थित होते. यावेळी सुजाता गायकवाड, शिवाजी खाबडे, अमोल
कांबळे, राजु कांबळे, प्रज्ञावंत शिंदे आदींना धनादेश वितरित करण्यात
आले.
कोणत्याही टिप्पण्या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.