कोल्हापूर दि. १०- वैद्यकीय व्यावसायिकांनी सामाजिक जबाबदारीचे भान ठेवून कार्यरत
रहावे, असे आवाहन
जिल्हा शल्य चिकित्सक डॉ. एल. एस. पाटील यांनी केले. जागतिक डॉक्टर दिनानिमित्त छत्रपती
प्रमिलाराजे रुग्णालयात आयोजित कार्यक्रमात ते बोलत होते. यावेळी उत्कृष्ट काम करणार्या
डॉक्टर आणि परिचारिकांचा सत्कार करण्यात आला. या कार्यक्रमाचे आयोजन जिल्हा एडस् प्रतिबंध
आणि नियंत्रण पथक, नेटवर्क ऑफ कोल्हापूर बाय पीपल लिव्हींग विथ एच. आय. व्ही. कोशिश
प्रकल्प आणि सीफार यांच्या संयुक्त विद्यमाने केले होते.
एच. आय. व्ही. सह जीवन जगणार्या व्यक्तींना समाजाकडून अवहेलना
सहन करावी लागू नये, म्हणून त्यांच्या मानवाधिकारासाठी कोशिशतर्फे प्रशासनाकडे पाठपुरावा
करण्यात येतो. अशा व्यक्तीना रोजगार, शिक्षण, शाळा, लैंगिक व प्रजनन आरोग्य आणि मानवाधिकार रक्षण
आदी सोयी मिळवून दिल्या जातात. नेटवर्कच्या
सहकार्याने पाठपुरावा केला जातो. नगर, ठाणे व कोल्हापूर जिल्ह्यामध्ये हा उपक्रम
सुरु आहे अशी माहिती युवराज शिंदे यांनी दिली.
कार्यक्रमाकरिता जिल्हा आरोग्य अधिकारी डॉ. हर्षला वेदक,
स्त्री रोग विभागप्रमुख डॉ. शानबाग,
निवासी वैद्यकीय अधिकारी डॉ. जगताप व डॉ.
यादव, जिल्हा क्षयरोग
अधिकारी डॉ. बसरे, लोटस मेडिकल फौंडेशनच्या डॉ. किमया शहा,
एन. के. पी प्लसचे युवराज शिंदे,
एन एम पी प्लसचे विजय भेंडे,
जिल्हा कार्यक्रम अधिकारी दीपा शिपूरकर,
सामाजिक कार्यकर्ते संजय देशपांडे,
आशु जाधव उपस्थित होते.
सुत्रसंचालन जिल्हा पर्यवेक्षक निरंजन देशपांडे यांनी केले तर
आभार सीफारचे जिल्हा कार्यक्रम अधिकारी सचिन कांबळे यांनी मानले.
कोणत्याही टिप्पण्या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.