कोल्हापूर, दि. 25 (जिल्हा माहिती कार्यालय) : कृषी उत्पन्न समिती
सांगली व महाराष्ट्र राज्य कृषी पणन मंडळ, पुणे यांच्या संयुक्त विद्यमाने
कोल्हापूर द्राक्ष महोत्सवाचे आयोजन करण्यात आले असल्याची माहिती महाराष्ट्र कृषी पणन मंडळाचे उप सरव्यवस्थापक
सुभाष घुले यांनी दिली.
या महोत्सवाचे उद्घाटन जिल्हाधिकारी
दौलत देसाई यांच्या हस्ते उद्या शुक्रवार
दि. 26 मार्च रोजी शाहू स्मारक भवन येथे सकाळी 11.30 वा. होणार आहे. यावेळी
माजी राज्यमंत्री अजितराव घोरपडे (सरकार), जिल्हा पुरवठा अधिकारी दत्तात्रय
कवितके, सहकारी संस्थेचे उपजिल्हा निबंधक अमर शिंदे व जिल्हा अधीक्षक कृषी अधिकारी
ज्ञानदेव वाकुरे यांच्या प्रमुख उपस्थितीत होणार आहे.
द्राक्ष महोत्सवाचे दि. 26 ते 30 मार्च या कालावधीत आयोजन करण्यात
आले आहे. यामध्ये ग्राहकांना अनुष्का, रेडग्लोब, सुपर सोनाक्का, माणीकचमण, कृष्णा
सिडलेस, आर.के.सुपर, शरद सिडलेस इ. जातींची द्राक्ष असणार आहेत. याचा सर्व
ग्राहकांनी लाभ घ्यावा, असे आवाहन कृषी उत्पन्न समितीचे सभापती दिनकर पाटील व श्री.
घुले यांनी केले आहे.
000000
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.