कोल्हापूर, दि. 9 (जिल्हा माहिती कार्यालय) : सर्कल स्तरावरील 113 वी डाक अदालतीचे 17 डिसेंबर
रोजी सकाळी 11.30 वा. मुख्य पोस्टमास्तर जनरल मुंबई यांच्या कार्यालयामध्ये आयोजन
करण्यात आले असल्याची माहिती प्रवर अधीक्षक ईश्वर पाटील यांनी दिली.
महाराष्ट्र आणि गोवा राज्याशी
संबंधित पोस्टाच्या सेवेविषयी किंवा कामकाजाबद्दल ज्या तक्रारींचे निवारण सहा
आठवड्यांच्या आत झालेले नसेल व समाधानकारक उत्तर मिळाले नसेल अशा तक्रारींची या
डाक अदालतमध्ये दखल घेतली जाईल. विशेषत: टपाल वस्तु/मनी ऑर्डर/ बचत बँक खाते/
प्रमाणपत्र इत्यादीबाबतच्या तक्रारी विचारात घेतल्या जातील. तक्रारींचा उल्लेख
सर्व तपशीलासह केलेला असावा. उदा. तारीख व ज्या अधिकाऱ्यास मूळ तक्रार पाठवली असेल
त्याचे नाव व हुद्दा इ.
संबंधितांनी डाक सेवे बाबतची आपली
तक्रार सहायक निदेशक डाकसेवा (ज.शि.) एच.एम.मंजेश आणि सचिव, डाक अदालत, मुख्य
पोस्टमास्टर जनरल यांचे कार्यालय, मुंबई जी.पी.ओ. इमारत, दुसरा माळा, मुंबई-
400001 यांच्या नावे दोन प्रतीसह दि. 15 नोव्हेंबर पर्यंत अथवा त्यापूर्वी पोहोचेल
इशा रितीने पाठवावी त्यानंतर आलेल्या तक्रारींची दखल घेतली जाणार नाही. प्रपत्र
महाराष्ट्र टपाल सर्कलच्या वेबसाईटवर www.maharashtrapost.gov.in
वर उपलब्‍ध आहे.
000000
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.