कोल्हापूर, दि. 17 (जिल्हा
माहिती कार्यालय) : बेटी बचाओ बेटी पढाओ या योजनेंतर्गत बँकेत/ कार्यालयात
येणाऱ्या एक किंवा दोन मुलींवर कुटूंब नियोजन शस्त्रक्रिया केलेल्या ताराराणी
प्राधान्य कार्ड धारक ग्राहकांना कोणत्याही रांगेत उभे न करता प्रथम प्राधान्य
देवून सेवा दिली जाईल, याची नोंद घ्यावी, असा बोर्ड आपल्या कार्यालयात व बँकेत
लावण्याच्या सूचना जिल्हाधिकारी दौलत देसाई यांनी दिल्या.
बेटी बचाओ बेटी पढाओ या केंद्र पुरस्कृत योजनेंतर्गत
मुलींच्या जन्माचे प्रमाण वाढविण्यासाठी व सन्मान देण्यासाठी ही नाविन्यपूर्ण
योजना राबविली जात आहे. या योजनेंतर्गत मागील पाच वर्षातील एक व दोन मुलींनंतर
कुटूंब शस्त्रक्रिया केलेल्या पालकांना व मुलींना सन्मानीत करण्यासाठी प्राधान्य
कार्ड देण्यात आले असून त्यांना रांगेमध्ये न थांबवता त्यांना प्रथम प्राधान्य
देण्याच्या सूचना देण्यात आल्या आहेत.
000000
कोणत्याही टिप्पण्या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.