कोल्हापूर, दि. 2
(जिमाका): खासगी
दुचाकी वाहनांची जुनी नोंदणी मालिका MH09-FZ दि. 6 मे पर्यंत
संपणे अपेक्षित आहे. त्यानंतर प्रादेशिक परिवहन कार्यालयामार्फत नवीन दुचाकी
नोंदणी मालिका MH09-GB दि.
9 मे रोजी सुरु करण्यात येत आहे. पसंती क्रमांकाचे अर्ज दि. 9 व 10 मे रोजी सकाळी
9.45 ते 2 या वेळेतच खिडकी क्र. 9 येथे स्वीकारण्यात येतील, अशी माहिती प्रादेशिक
परिवहन अधिकारी दिपक पाटील यांनी दिली.
लिलाव
पध्दतीव्दारे वाहन नोंदणी क्रमांकाची मागणी करतेवेळी खालील सूचनांचे पालन करावयाचे
आहे.
पसंतीचा
नोंदणी क्रमांक घेण्यासाठी अर्जासोबत त्या क्रमांकासाठी असलेल्या मूळ रकमेचा
डी.डी. (धनाकर्ष) जोडणे आवश्यक आहे. धनादेश किंवा पे ऑर्डर अर्जासोबत देऊ नये.
धनाकर्ष
काढताना SBI TRE. BRANCH KOLHAPUR GRAS या नावानेच काढलेला असावा. इतर कोणत्याही
नावे काढलेला धनाकर्ष स्वीकारला जाणार नाही.
पसंतीच्या
क्रमांकाच्या मूळ रकमेचा एकच धनाकर्ष दि. 9 व 10 मे रोजी सकाळी 9.45 ते 2 या
कालावधीत कार्यालयात सादर करावा. धनाकर्ष शक्यतो स्टेट बँक ऑफ इंडिया या बँकेचाच
असावा.
धनाकर्षाच्या
मागे अर्जदाराने नाव, मोटार वाहनाचा प्रकार, मागणी केलेला नोंदणी क्रमांक व मोबाईल
क्रमांक लिहीणे आवश्यक आहे.
एखाद्या
नोंदणी क्रमांकासाठी एकापेक्षा जास्त अर्ज प्राप्त झाल्यास त्या क्रमांकाचा लिलाव करण्यात
येईल. त्यासाठी अर्जदाराकडून दि. 11 मे रोजी जादा रकमेचा स्वतंत्र धनाकर्ष बंद लिफाफ्यात सकाळी 9 ते दु. 2 या कालावधीत जमा करणे
बंधनकारक राहील. एका पेक्षा जास्त अर्ज असलेल्या नोंदणी क्रमांकाचा लिलाव दि.11 मे
रोजी दुपारी 4 वा. कार्यालयाच्या सभागृहात घेण्यात येईल. फक्त अर्जदार व प्राधिकृत
प्रतिनिधी यांनाच लिलावास उपस्थित
राहण्याची परवानगी देण्यात येईल. लिलावास येताना अर्जदाराने ओळखपत्र आणणे आवश्यक
आहे. तसेच प्राधिकृत प्रतिनिधी उपस्थित राहणार असेल तर त्याच्याकडे प्राधिकार पत्रासह ओळखपत्र असणे अनिवार्य आहे, असे प्रादेशिक परिवहन अधिकारी श्री. पाटील यांनी पत्रकाव्दारे कळविले आहे.
000000
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.