कोल्हापूर, दि. 26 (जिमाका): सहायक आयुक्त, समाजकल्याण कोल्हापूर यांच्यावतीने तृतीयपंथीय
व्यक्तींसाठी उद्या शुक्रवार दि. 27 मे 2022रोजी एक दिवशीय शिबीराचे आयोजन करण्यात
आले आहे. या कार्यशाळेमध्ये तृतीयपंथीय व्यक्तींना तृतीयपंथीय असल्याबाबतचे
प्रमाणपत्र, ओळखपत्र सहजरित्या प्राप्त होण्यासाठी राष्ट्रीय पोर्टलवर विनामूल्य
अर्ज भरण्यात येणार आहेत. तरी या शिबीरामध्ये जिल्ह्यातील जास्तीत-जास्त
तृतीयपंथीय व्यक्तींनी आवश्यक कागदपत्रासह आपला सहभाग नोंदविण्याचे आवाहन
समाजकल्याण विभागाचे सहायक आयुक्त विशाल लोंढे यांनी केले आहे.
सामाजिक न्याय व अधिकारीता मंत्रालयामार्फत National Portal For
Transgender Persons राष्ट्रीय पोर्टल सुरू करण्यात आले आहे. या पोर्टलवर
तृतीयपंथीय व्यक्तींना प्रमाणपत्र व ओळखपत्र मिळण्यासाठी अर्ज करण्याबाबतची सुविधा
उपलब्ध करून देण्यात आली आहे. या पोर्टलवर संपूर्ण राज्यामध्ये अर्ज सादर करण्याचे
प्रमाण अत्यल्प असल्याने प्रत्येक जिल्ह्यामध्ये एक दिवसीय कार्यशाळा आयोजित
करण्यात येत आहे.
00000
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.