कोल्हापूर,
दि. 30 (जिल्हा माहिती कार्यालय) :
कोविड-19 तपासणीसाठी राज्यातील एनएबीएल व आयसीएमआर मान्यताप्राप्त
प्रयोगशाळेतून आरटीपीसीआर तपासणीसाठी शासनाने 7 सप्टेंबरच्या शासननिर्णयानुसार सुधारित
दर निश्चित केले आहेत.
यापुर्वी 7 सप्टेंबर 2020
रोजीच्या शासननिर्णयानुसार निश्चित केलेले दर अधिक्रमित करुन हे दर निश्चित
करण्यात आले आहेत. निश्चित केलेले दर सर्व करासहित निश्चित केले असून कोणत्याही
खाजगी प्रयोगशाळेला या दरापेक्षा अधिक दर आकारता येणार नाही.
नवीन दरानुसार संकलन ठिकाणावरुन नमुन्याची निवड करणे, नमुन्याची वाहतुक आणि अहवाल देणे
/रिपोर्टींग करणे
यासाठी
1200 रुपये, नमुना संग्रह ठिकाणाहून नमुना घेणे, कोविड केअर कलेक्शन
सेंटर, हॉस्पिटल, दवाखाना, क्वारंटाईन सेंटरमधील प्रयोगशाळा इत्यादी ठिकाणाहून
नमुना घेणे
यासाठी 1600 रुपये आणि रुग्णाच्या वास्तव्यापासून रुग्णाचा नमुना घेणे, नमुन्याचे वहन,
तपासणी आणि अहवाल यासाठी रुपये 2000 इतर दर निश्चित करण्यात आला आहे. या दरामध्ये व्हीटीएम, पीपीई, आरएनए एक्सट्रॅक्शन किट,आरटीपीसीआर किट आदी बाबींचा समावेश
आहे.
000000
कोणत्याही टिप्पण्या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.