कोल्हापूर, दि. 18 (जिल्हा माहिती कार्यालय) : ग्रामपंचायतीचा
लेबर बजेट व कृती आराखडा सन 2021-22 तसेच सुधारिता कृती आराखडा सन 2020-21 तयार
करण्याची प्रक्रिया सुरु झालेली आहे. नागरिकांनी आप-आपल्या गावाच्या शिवार फेरी
मध्ये सहभागी होवून माथा ते पायथ पाणलोट विकासांचा तसेच वैयक्तिक लाभाच्या/सामूहिक
स्वरुपाच्या कामांच्या समावेश कृती आराखड्यात करुन घ्यावा. जेणेकरुन मनरेगाच्या
माध्यमातून आपले आर्थिक जीवनमान उंचावून गावाची आर्थिक समृध्दीच्या दिशेने वाटवाल
सुरु होईल, असे आवाहन जिल्हाधिकारी दौलत देसाई यांनी केले आहे.
महात्मा गांधी
राष्ट्रीय ग्रामीण रोजगार हमी योजना ही ग्रामीण भागाचा कायापलट करणारी
महत्त्वाकांक्षी योजना आहे. मागेल त्याला अकुशल स्वरुपाच्या पायाभुत सुविधा
निर्माण करणे, ग्रामीण भागामध्ये कायमस्वरुपी मत्ता निर्माण करणे तसेच ग्रामीण
जनतेचे राहणीमान उंचावणे. या माध्यमातुन गाव समृध्द करणे ही या योजनेची प्रमुख
उद्दिष्टे आहेत.
वैयक्तिक लाभाची
कामे :- वैयक्तिक जलसिंचन विहीर, रेशीम उद्योग (तुती लागवड व किटक संगोपन गृह तयार
करणे) शेततळे, शोषखड्डे, घरकुल, नाडेप खत निर्मित, गांडूळ खत निर्मिती, वैयक्तिक
शौचालय, शैळी पालन शेड, कुकूट पालन शेड, जनावरांचा गोठा, विहीर पुनर्भरण, शेत बांध
बंधिस्ती, फळबाग लागवड, बांधावर वृक्ष लागवड, संजिवक किंवा अमृत पाण्यासाठी खड्डा.
सार्वजनिक कामे :- सार्वजनिक
जलसिंचन विहीर, गाव तलाव, रोपवाटीका, पाणंद रस्ता, रस्ता दुतर्फा वृक्ष लागवड,
समपातळी चर, गॅबीयन बंधारा, मातीनाला बांध, दगडी बांध, एलबीएस, कंटुर बांध,
क्रिडांगण, स्मशान भुमी सुशोभिकरण, शाळा, अंगणवाडी साठी शौचालय, सार्वजनिक शौचालय,
नाला रुंदीकरण, पाझार तलाव, गाळ काढणे
अभिसरणातील
कामे :- शाळेसाठी खेळाचे मैदान/संरक्षण भिंत बांधकाम, छतासह बाजार ओटा, शालेय
स्वयंपाकगृह निवारा, नाला-मोरी बांधकाम, सार्वजनिक जागेरील गोदाम, सिमेंट रस्ता,
पेव्हींग ब्लॉक रस्ते, डांबर रस्ता, शाळेकरिता/खेळाच्या मैदानाकरिता साखळी कुंपण,
अंगणवाडी बांधकाम, ग्रामपंचायत भवन, सामुहिक मत्स्यतळे, सार्वजनिक जागेवरिल
शेततळे, काँक्रीट नाला बांधकाम, आर.सी.सी. मुख्य निचरा प्रणाली भुमिगत बंधारा,
सिमेंट नाला बांध, कॉम्पोझिट गॅबियन बंधारा, बचत गटांच्या जनावरांसाठी सामुहिक
गोठे, स्मशानशेड बांधकाम.
योजनेची
वैशिष्टे :- ग्रामीण भागातील प्रत्येक कुटुंबास किमान 100 दिवस रोजगाराची हमी, 18
वर्षावरील प्रौढ व्यक्तिंना अकुशल योजगाराची हमी, 15 दिवसांत विनामुल्य जॉबकार्ड
मिळणार, मागणी केल्यानंतर 15 दिवसांत काम उपलब्ध करुन देण्याची संपूर्ण जबाबदारी
ग्रामपंचायतीची राहील. अन्यथा बेरोजगार भत्ता मिळेल, गावापासून 5 कि.मी.
परिसरामध्ये रोजगार उपलब्ध केला जाईल. जास्त अंतराकरीता प्रवास भत्त्याची तरतुद,
स्त्री व पुरुष मजूरांना शासनाने निर्धारित केलेल्या समान दराने मजुरीचे प्रदान,
केलेल्या कामाच्या प्रमाणात (कामाच्या मोजमापानुसार) मजुरीची निश्चिती,रोजगाराच्या
जागी पिण्याचे पाणी, प्रथमोपचार, लहान मुलांची देखभाल, इत्यादी मुलभूत सोयीसुविधा
उपलब्ध, बँक/पोस्टमार्फत मजुरीचे प्रदान, ग्रामसभेकडून कामांची निवड, एकूण
कामांपैकी किमान 50 टक्के कामे ग्रामपंचायत यंत्रणेमार्फत व उर्वरित कामे इतर
शासकीय यंत्रणांमार्फत व कंत्राटदार नेमण्यास अकुशल मजुरी विस्थापित करणारी यंत्रे
वापरण्यावर बंदी.
आवश्यक
बाबी :- रोजगार मिळवण्याकरीता मजुरांची नोंदणी व जॉबकार्ड आवश्यक, जॉब कार्डसाठी
ग्रामपंचायतीस संपर्क करावा व कामाची मागणी अर्ज ग्रामपंचायतीकडे देणे आवश्यक आहे.
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.