कोल्हापूर, दि. 18 (जिल्हा माहिती कार्यालय): जिल्हा कौशल्य विकास रोजगार व उद्योजकता मार्गदर्शन केंद्र व शासकीय औद्योगिक प्रशिक्षण संस्था यांच्या संयुक्त विद्यमाने ऑनलाईन जॉब फेअरचे दि 24 व 25 सप्टेंबर रोजी आयोजन केले असल्याचे कौशल्य विकास,रोजगार व उद्योजकता मार्गदर्शन केंद्र सहायक आयुक्त सं.कृ. माळी यांनी कळविले आहे.
या
मेळाव्यामध्ये विविध शैक्षणिक पात्रतेची जिल्हयातील नामांकित आस्थापनांची विविध रिक्तपदांद्वारे मोठी सुवर्णसंधी मिळणार आहे. हा मेळावा केवळ ऑनलाईन पसंतीक्रम नोदविणा-या उमेदवारांसाठीच आहे.
जिल्हयातील इच्छुक उमेदवारांनी संधीचा लाभ घ्यावा. युझर आयडी व पासवर्डच्या आधारे www.mahaswayam.gov.in या संकेतस्थळावर शैक्षणिक पात्रतेनुसार उचित असलेल्या रिक्तपदासाठी पसंतीक्रम व उत्सुकता
ऑनलाईन पध्दतीने नोंदवावी.
आवश्यक पात्रता धारण करीत असल्याची खात्री करुन पदाची निवड करण्याची दक्षता घ्यावी. जेणेकरुन कोरोनाच्या प्रादूभार्वामुळे शासनाने विहित केलेल्या अटी व शर्तीचे पालन करणे व संधीचा लाभ घेणे उद्योजक व उमेदवार यांना सहज शक्य होईल.
इच्छुक व ऑनलाईन पसंतीक्रम नोंदविणा-या उमेदवारांना त्यांच्या पसंतीक्रमानुसार व उद्योजकांच्या सोईनुसार मुलाखतीचे ठिकाण, दिनांक व वेळ एसएमएस अलर्टं द्वारे कळविण्यात येईल व शक्य असेल तिथे ऑनलाईन किंवा ऑफलाईन मुलाखतींचे आयोजन करण्यात येईल.
इच्छुक युवक युवतींनी दि.24 व 25 सप्टेंबर पर्यंत पसंतीक्रम नोंदवून या संधीचा न चुकता लाभ घ्यावा. असे आवाहन सहाय्यक आयुक्त श्री माळी यांनी केले आहे. अधिक माहितीसाठी दूरध्वनी क्र 0231-2545677 वर संपर्क साधावा.
0 0 0 0
00
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.