कोल्हापूर दि. 24 : कोल्हापूर महोत्सव 2012 अंतर्गत स्थानिक कलाकारांना उत्तेजन देण्याच्या उद्देशाने राजर्षी शाहू स्मारक भवनात आयोजित करण्यात आलेल्या समूहगीत स्पर्धेत उषाराजे हायस्कूलने तर खुल्या रांगोळी स्पर्धेत दयानंद राजाराम मुतकेकर यांनी प्रथम क्रमांक मिळविला.
समुहगीत, खुली भावगीत-सिनेगीत व लोकसंगीत तसेच रांगोळी स्पर्धेचे उद्‌घाटन उपजिल्हाधिकारी सुभाष बोरकर यांच्या हस्ते झाले.
समूहगीत स्पर्धेत द्वितीय क्रमांक वि. स. खांडेकर प्रशाला, शाहुपूरी, कोल्हापूर, तृतीय क्रमांक शा. कृ. पंत वालावलकर हायस्कूल, मुक्त सैनिक वसाहत, कोल्हापूर आणि उत्तेजनार्थ विद्यावर्धिनी वृंद, प्रायव्हेट हायस्कूल व म. दूं, श्रेष्ठी समता हायस्कूल, भोसलेवाडी यांनी मिळविला. स्पर्धेसाठी परिक्षक म्हणून सौ. मनीषा माने-नायकवडी व दिपा सुर्यवंशी यांनी काम पाहिले.
खुल्या भावगीत-सिनेगीत व लोकगीत स्पर्धेत सौ. सरिता प्रकाश सुतार यांनी प्रथम क्रमांक, सचिन मांडवकर द्वितीय आणि रविंद्ग पाटील यांनी तृतीय क्रमांक मिळविला. उत्तेजनार्थ क्रमांक योगेश खांडेकर व संजय शर्मा यांनी मिळविला. परिक्षक म्हणून उमेश नेरकर व सौ. सविता वेल्हाळ यांनी काम पाहिले.
खुल्या रांगोळी स्पर्धेत प्रथम क्रमांक दयानंद मुतकेकर, द्वितीय क्रमांक सतिश कुंभार आणि तृतीय क्रमांक प्रियदर्शनी करंबे तर उत्तेजनार्थ अभिजीत पन्हाळकर, पुनम बाबासाहेब पाटील आणि तेजश्री सुर्यवंशी यांना विभागून देण्यात आला. परिक्षक म्हणून प्राचार्य अजय दळवी आणि विजय टिपुगडे यांनी काम पाहिले.
शाहीर आझाद नायकवडी यांनी स्पर्धांचे आयोजन केले. सहाय्यक करमणूक अधिकारी सौ. अर्पणा मोरे-धुमाळ, नायब तहसिलदार अश्विनी वरुटे यांच्या मार्गदर्शनाखाली स्पर्धा पार पडल्या. हणमंत चौगुले, निशीकांत कांबळे यांनी संगीत साथ केली. युवराज कदम यांनी संयोजन तर अरुण शिंदे यांनी सूत्रसंचलन केले.
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.