कोल्हापूर दि. ३० : कोल्हापूर जिल्ह्यात खालील अनधिकृत उच्च माध्यमिक शाळा सन २०११-१२ मध्ये सुरु असून अशा शाळांमध्ये विद्यार्थ्यांनी प्रवेश घेऊ नये, तसेच पालकांनीही विद्यार्थ्यांना शाळेत दाखल करु नये. अनधिकृत उच्च माध्यमिक शाळांमध्ये प्रवेश घेतल्यास होणार्‍या शैक्षणिक नुकसानीस संबंधित पालक व विद्यार्थी जबाबदार राहतील, त्यास माध्यमिक शिक्षण विभाग अथवा शासन जबाबदार राहणार नाही.
कोल्हापूर जिल्ह्यातील सन २०११-१२ मधील अनधिकृत उच्च माध्यमिक शाळा पुढीलप्रमाणे आहेत. शिवाजी हायस्कूल व भालचंद्ग कुलकर्णी कनिष्ठ महाविद्यालय, महागांव, ता. गडहिंग्लज, जि. कोल्हापूर इयत्ता ११ वी आणि दत्तसेवा विद्यालय, तुरुकवाडी, ता. शाहुवाडी, जि. कोल्हापूर इयत्ता ११ वी.
अनधिकृत उच्च माध्यमिक शाळांमध्ये प्रवेश घेतलेल्या विद्यार्थ्यांना नजिकच्या मान्यता प्राप्त उच्च माध्यमिक शाळांतून इयत्ता बारावीचे परीक्षा फॉर्म भरता येणार नाहीत. सन २०११-१२ मध्ये अनधिकृत उच्च माध्यमिक शाळा सुरु केल्यास अशा संस्था चालकांच्या विरुध्द भारतीय दंड संहिता ४२० किंवा ४०६ किंवा ३४ ब अन्वये फौजदारी गुन्हे दाखल करण्यात येतील, याची संबंधितांनी नोंद घ्यावी असे कोल्हापूर जिल्हा परिषदेच्या माध्यमिक शिक्षणाधिकार्‍यांनी प्रसिध्द पत्रकाद्वारे कळविले आहे.
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.