कोल्हापूर दि. २८ : पन्हाळा, कागल व शाहुवाडी तालुक्यातील जे माजी सैनिक डिसेंबर १९८६ पूर्वी सैन्य सेवेतून निवृत्त झालेले आहेत व ज्या माजी सैनिकांनी अद्याप त्यांच्या पेंशन कागदोपत्री वारस पत्नीचे नाव लावलेले नाही अशांनी खालील तारखांना व दिलेल्या ठिकाणी सकाळी ११ ते सायं. ४ या वेळेत पेन्शन कागदोपत्री नाव लावून घेण्याकरिता कागदपत्रे पूर्ण करण्यासाठी वारस पत्नीसह उपस्थित रहावे.
माजी सैनिक संघटना कोडोली, ता. पन्हाळा येथे दि. ३ एप्रिल २०१२ रोजी फॉर्म भरुन दिले जातील व ४ एप्रिल २०१२ रोजी पूर्ण झालेले फॉर्म स्वीकारले जातील. तहसिलदार कार्यालय, कागल येथे दि. १२ एप्रिल २०१२ रोजी फॉर्म भरुन दिले जातील व दि. १३ एप्रिल २०१२ रोजी पूर्ण झालेले फॉर्म स्वीकारले जातील. तहसिलदार कार्यालय, शाहुवाडी येथे दि. १८ एप्रिल २०१२ रोजी फॉर्म भरुन दिले जातील व दि. २९ एप्रिल २०१२ रोजी पूर्ण झालेले फॉर्म स्वीकारले जातील.
संबंधित माजी सैनिकांनी त्यांचे मूळ डिसचार्ज पुस्तक, माजी सैनिक ओळखपत्र, ग्रामसेवक/सरपंच यांच्याकडून एकमेव पत्नी असल्याबाबतचा जॉईंट फोटो लावून दाखला (फोटोवर सही व शिक्का घेणे आवश्यक), पत्नीसह जॉईंट फोटो ५ प्रती, बँकेचे पासबुक आदी कागदपत्रे घेऊन दिलेल्या तारखेस व ठिकाणी सकाळी १० वाजता उपस्थित रहावे. माजी सैनिक अथवा वारस पत्नी मयत असल्यास त्यांचा मृत्यू दाखला व मृत्यू दाखल्याच्या झेरॉक्स प्रती घेऊन याव्यात असे जिल्हा सैनिक कल्याण अधिकारी, कोल्हापूर यांनी कळविले आहे.
कोणत्याही टिप्पण्या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.