ए. जी. आय. मेडीकल सवलत योजना संबंधितांनी माहिती कळवावी

       कोल्हापूर दि. ३० : आर्मी ग्रुप इन्शुरन्स फंड ए. जी. आय. भवन, रामतुला मार्ग, न्यू दिल्ली यांच्या सुचनेनुसार १ एप्रिल २००३ पासून माजी सैनिक अंशदायी स्वास्य योजना ( ECHS ) सुरु करण्यात आली आहे. इ. सी. एच. एस. योजना सुरु झाल्याने आर्मी ग्रुप इन्शुरन्सच्या मेडीकल बेनिफिट स्कीमची योजना एजीआय व्दारे बंद करण्यात आलेली आहे.

      सेनेतून निवृत होताना मेडीकल बेनिफीट स्कीम अंतर्गत जमा करण्यात आलेली रक्कम एजीआय व्दारे परत करण्यात येत आहे. यासाठी १ मार्च २००३ पूर्वी निवृत झालेल्या माजी सैनिकांनी जमा करण्यात आलेली रक्कम परत घेण्याकरिता मेडीकल बेनिफिट स्कीमच्या प्रमाणपत्राची मुळप्रत (MBS Card), स्वतःचा बँक खाते क्रमांक व बँकेचा पूर्ण पत्ता, स्वतःचा पूर्ण पत्ता, संपर्क दूरध्वनी क्रमांक AGI Fund, AGI Bhawan, Ramtula Marg, PO- Vasant Vihar Post Bag No 14, New Delhi-57 येथे पाठवावीत. अधिक माहितीसाठी डायरेक्टर (क्लेम्‌स) दूरध्वनी क्रमांक ०११-२६१४५७०९ व एमबीएस सेक्शन ०११- २६१४२८९७ एक्स्टेशन ४२८ वर संपर्क साधावा, असे आवाहन जिल्हा सैनिक कल्याण अधिकारी, कोल्हापूर यांनी केले आहे.