शासकीय मुद्गणालयातील पदांच्या भरतीस स्थगिती

            कोल्हापूर दि. २१ : शासकीय मुद्गणालय व लेखन सामग्री भांडार, कोल्हापूर येथे वर्ग-४ मधील मजूर, पहारेकरी व सफाईगार पदासाठी २७ फेब्रुवारी २०१२ रोजीच्या दै. महासत्ता व दै. तरुण भारत या वृत्तपत्रात जाहिरात देण्यात आली होती. या जाहिरातीनुसार ज्या उमेदवारांनी अर्ज पाठविले आहेत व ज्यांना मुलाखतीसाठी पत्र प्राप्त झाली आहेत अशा सर्व उमेदवारांना कळविण्यात येते की, या पदांच्या भरतीस पुढील आदेशापर्यंत स्थगिती देण्यात आली आहे. त्यामुळे दि. २५ मार्च २०१२ रोजीची लेखी परीक्षा व मुलाखत रद्द करण्यात आली आहे, याची सर्व उमेदवारांनी नोंद घ्यावी. याविषयीचा पुढील भरती कार्यक्रम यथावकाश जाहीर करुन प्रसिध्द करण्यात येईल, असे व्यवस्थापक, शासकीय मुद्गणालय व लेखनसामग्री भांडार, कोल्हापूर यांनी प्रसिध्दी पत्रकान्वये कळविले आहे.