कोल्हापूर,दि.
24 (जिल्हा माहिती कार्यालय): शासकीय वैद्यकीय महाविद्यालयाच्या
प्रयोगशाळेकडे प्रलंबित असलेले अहवाल तसेच डॉ. डी.वाय.पाटील रूग्णालयाकडे असणारे
प्रलंबित तपासणी अहवालांचा आढावा घेऊन ते उद्यापर्यंत निर्गत करावेत, असे निर्देश
जिल्हाधिकारी दौलत देसाई यांनी आज दिले.
कोरोना प्रतिबंध उपाययोजना व अंमलबजावणीबाबत
जिल्हाधिकारी दौलत देसाई यांनी आज आढावा बैठक घेतली. या बैठकीत प्रलंबित स्वॅब
तपासणी अहवाल, जिल्ह्यातील कोव्हिड काळजी केंद्रांमधील सुविधा, आयुष सर्व्हे,
वैद्यकीय अधिकारी-कर्मचारी यांना पुरविण्यात येणारी सुविधा, संस्थात्मक
अलगीकरणमधील सुविधा, विविध उपकरणांचा होणारा पुरवठा, मनुष्यबळ या सर्वांचा यात
समावेश होतो.
जिल्हाधिकारी श्री. देसाई म्हणाले,
क्षेत्रीय स्तरांवर आज 5 वाजेपर्यंत गोळा करण्यात आलेले स्वॅब नमुने प्रयोगशाळेकडे
पाठवावेत. त्याचबरोबर नाकारण्यात आलेल्या नमुन्यासाठी जबाबदार व्यक्तीची नेमणूक
करून समन्वय आणि नियंत्रण करावे. कोव्हिड काळजी केंद्र, कोव्हिड आरोग्य
केंद्रामध्ये सुविधा पूर्ण करण्याबाबत पाठपुरावा करावा. संस्थात्मक अलगीकरण
केंद्र, सी.सी.सी. याठिकाणी फवारणी यंत्राचा पुरवठा करावा, प्रत्येक तालुकानिहाय
आशा सेविकांची गट निवडून त्यांच्यामार्फत सर्व्हेक्षण सुरू करावे. तपासणी
नाक्यांवर, अलगीकरण केंद्र, रूग्णालयात काम करणाऱ्या अधिकारी-कर्मचारी यांना सर्व
सुविधा आणि अर्सेनिक अल्बम या होमिओपॅथिक औषधांचे वाटप करा, असेही ते
म्हणाले.
या बैठकीला महापालिका आयुक्त डॉ.
मल्लिनाथ कलशेट्टी, मुख्य कार्यकारी अधिकारी अमन मित्तल, जिल्हा शल्यचिकित्सक डॉ.
बी.सी.केम्पीपाटील, जिल्हा आरोग्य अधिकारी डॉ. योगेश साळे, निवासी उपजिल्हाधिकारी
भाऊ गंलाडे, सार्वजनिक बांधकाम विभागाचे कार्यकारी अभियंता संजय सोनवणे आदी
उपस्थित होते.
डॉक्टर्स, वैद्यकीय कर्मचाऱ्यांची विश्रामगृहात सोय
जिल्ह्यातील सी.सी.सी., सी.पी.आर, प्रयोगशाळा याठिकाणी
सेवा देणारे डॉक्टर्स आणि वैद्यकीय कर्मचाऱ्यांसाठी विश्रामगृहात निवासाची तसेच
जेवणाची सोय करण्यात येईल. त्याबाबत संबंधितांनी जिल्हा आरोग्य अधिकारी तसेच
सी.पी.आर.चे वैद्यकीय अधीक्षक यांना कळवावे, असेही जिल्हाधिकारी श्री. देसाई
यांनी सांगितले.
|
सोबत : फोटो जोडला आहे.
0000000
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.