कोल्हापूर, (जि.मा.का.) दि. 6
: जिल्हा बाल कामगार मुक्त करण्यासाठी जिल्ह्यात 7 नोव्हेंबर ते 7 डिसेंबर या
कालावधीत बाल कामगार प्रथेविरूध्द जनजागृती मोहीम राबविण्यात येणार असल्याची
माहिती सहाय्यक कामगार आयुक्त अनिल गुरव यांनी दिली.
बाल
व किशोरवयीन कामगार सुधारणा अधिनियम 2016 नुसार 14 वर्षाखालील बालकांना कामावर
ठेवणे तसेच 14 ते 18 वयोगटातील मुलांना धोकादायक उद्योग व प्रक्रीयांमध्ये कामावर
ठेवणे गुन्हा आहे. मालकाने किंवा नियोक्त्याने बाल अथवा किशोरवयीन मुलांना कामावर
ठेवल्यास त्यांना 20 ते 50 हजार रूपये पर्यंत दंड
वा 6 महिने ते 2 वर्षापर्यंत कारावास होऊ शकतो किंवा दोन्हीही शिक्षा होऊ
शकते. त्यामुळे बाल अथवा किशोरवयीन मुलांना कामावर ठेवू नये, असे आवाहन श्री. गुरव
यांनी केले आहे.
0000
कोणत्याही टिप्पण्या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.