कोल्हापूर, दि. 6 (जिमाका) : जिल्हा पोलीस दलाच्यावतीने पोलीस उन्नत
दिवस (रेझिंग डे) २
जानेवारी ते ८ जानेवारी या कालावधीत विविध उपक्रमांनी साजरा करण्यात येत आहे. या उपक्रमाचा एक भाग म्हणून उद्या मंगळवार,
दि. ७ जानेवारी रोजी पोलीस परेड मैदानावर सकाळी 10 वाजता महिला, मुली व
विद्यार्थींनीसाठी रस्सीखेच (टग ऑप वॉर), , सायबर सुरक्षा विषयक माहिती, पोवाडा,
पथनाट्याचे आयोजन करण्यात आले आहे.
2
जानेवारी 1961 रोजी महाराष्ट्र पोलीस दलाचा सध्याचा ध्वज हा तत्कालीन प्रधानमंत्री
पंडित जवाहरलाल नेहरु यांनी महाराष्ट्र पोलीस दलास हस्तांतरित केला. हा दिवस संपूर्ण
राज्यात पोलीस उन्नत दिवस (रेझिंग डे) म्हणून साजरा करण्यात येतो. रेझिंग डे निमित्त
पोलीस पाटील व खासगी सुरक्षा संस्था यांचा जिल्हास्तरीय मेळाव्याचे आयोजन करण्यात
आले. सरकारतर्फे साक्ष दिलेल्या साक्षीदारांचा सत्कार, किंमती मुद्देमाल
संबधीतांना न्यायालयाच्या आदेशाने परत अदा करण्याबाबत जिल्हास्तरीय विशेष मोहिमेच
आयोजन केले. शालेय विद्यार्थांकरिता नियंत्रण कक्ष, सेफसिटी, पोलीस मुख्यालय भेट,
शस्त्रप्रदर्शन, ट्राफिक गार्डन भेट असे कार्यक्रम घेण्यात आले.
जिल्हा पोलीस
दल व निर्भया पथकाच्यावतीने पोलीस मैदान येथे उद्या मंगळवार, दि. ७
जानेवारी रोजी सकाळी १० वाजता कार्यक्रम होणार आहे,
कार्यक्रमात उत्स्फूर्त प्रतिसाद घेणाऱ्या महिला,मुली,विद्यार्थीनी
यांना प्रोत्साहनपर बक्षीस देण्यात येणार आहेत. तसेच कोल्हापूर जिल्ह्यामध्ये
विविध कार्यक्षेत्रात वेगळ्या कामाचा ठसा उमठवणाऱ्या महिलांचा सत्कार करण्यात
येणार आहे. कार्यक्रमांनतर पोलीस परेड
मैदान ते धैर्यप्रसाद चौक या मार्गावर रॅली काढणेत येणार असून, रॅलीमध्ये मुलींचे
लेझीम पथक, झांज पथक, ढोलपथक
सहभागी होणार आहे.
रेझिंग डे
निमित्त आयोजित कार्यक्रमात जिल्ह्यातील सर्व महिला, मुली विद्यार्थीनी मोठया
प्रमाणात सहभागी व्हावे, असे आवाहनही पोलीस विभागामार्फत करण्यात आले आहे.
०००००
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.