कोल्हापूर, दि. 13 (जि.मा.का.): निवडणूक आयोगाच्या निर्देशानुसार दिनांक 1 जानेवारी 2020 रोजी किंवा तत्पुर्वी
वयाची अठरा वर्ष पूर्ण
करणा-या मतदारांची नोंदणी करण्यासाठी विशेष संक्षिप्त पुनरिक्षण कार्यक्रम हाती घेण्यात आलेला आहे. हा
कार्यक्रम दिनांक 13 मार्च 2020 (शुक्रवार) ते दिनांक 15 मे, 2020
(शुक्रवार) या कालावधीत राबविण्यात येणार आहे, अशी माहिती उपजिल्हा निवडणूक
अधिकारी सतीश धुमाळ यांनी दिली.
विशेष संक्षिप्त पुनरिक्षण
कार्यक्रम पुढीलप्रमाणे- एकत्रिकृत प्रारूप मतदार याद्यांची प्रसिध्दी शुक्रवार
दिनांक 13 मार्च 2020. दावे व हरकती स्वीकारण्याचा कालावधी- शुक्रवार दिनांक 13
मार्च 2020 ते बुधवार दिनांक 15 एप्रिल 2020. विशेष मोहिमांचा कालावधी- शनिवार
दिनांक 28 मार्च 2020 ते रविवार दिनांक 29 मार्च 2020, शनिवार दिनांक 11 एप्रिल
2020 ते 12 एप्रिल 2020. दावे व हरकती निकालात काढणे-गुरूवार दिनांक 30 एप्रिल
2020. प्रारूप मतदार यादीच्या मापदंडाची तपासणी करणे आणि मतदार यादीच्या अंतिम
प्रसिध्दी करिता आयोगाची परवानगी घेणे- बुधवार दिनांक 6 मे 2020 पूर्वी. डाटाबेसचे
अद्यावतीकरण आणि पुरवणी याद्यांची छपाई इत्यादी- सोमवार दिनांक 11 मे 2020 पूर्वी.
या विशेष
संक्षिप्त पुनरिक्षण कार्यक्रमात शुक्रवार दिनांक
13 मार्च, 2020 रोजी मतदान केंद्रनिहाय प्रारुप
मतदार यादी प्रसिध्द करण्यात येणार आहे. ही प्रारुप मतदार यादी जिल्हाधिकारी व
जिल्हा निवडणूक अधिकारी यांच्या कार्यालयात, मतदार नोंदणी अधिकारी तथा उपविभागीय
अधिकारी यांच्या कार्यालयात, सहायक मतदार नोंदणी अधिकारी तथा तहसिलदार यांच्या
कार्यालयात व मतदान केंद्रस्तरीय अधिकारी यांच्याकडे उपलब्ध आहे. तसेच आयोगाच्या https://ceo.maharashtra.gov.in/ किंवा जिल्हाधिकारी,
कोल्हापूर यांच्या kolhapur.nic.in या संकेतस्थळावर देखील उपलब्ध
आहे. या प्रारुप मतदार यादीमध्ये
सर्व मतदारांनी आपली नावे सामाविष्ट असल्याबाबत/मतदार यादीतील तपशील अचूक असल्याबाबत
खात्री करावी.
मतदार यादीत नाव सामाविष्ट करावयाचे असल्यास
किंवा वगळणी असल्यास किंवा दुरुस्ती असल्यास किंवा स्थानांतर असल्यास खालीलप्रमाणे
नमुने भरुन द्यावेत.
1) नमुना क्रमांक 6
(मतदार यादीत नांव सामाविष्ट करावयासाठी अर्ज)
2) नमुना क्रमांक 7
(मतदार यादीतील नांवाची वगळणी करावयासाठी अर्ज)
3) नमुना क्रमांक 08
(मतदार यादीतील तपशिलामध्ये करावयाच्या दुरुस्तीसाठी अर्ज)
4) नमुना क्रमांक 08अ
(एकाच मतदार संघात मतदार यादीचे नोंदीचे स्थानांतर करावयासाठी अर्ज)
मतदारांनी आपल्या
आवश्यकतेप्रमाणे वरील नमुने मतदान केंद्रस्तरीय अधिकारी किंवा संबंधित तालुक्यातील
तहसिल कार्यालय (निवडणूक शाखा) यांच्याकडे सादर करावेत किंवा आयोगाने विकसित
केलेल्या www.nvsp.in या प्रणालीवर ऑनलाईन पध्दतीने
सादर करावेत. निवडणूक आयोगाच्या www.nvsp.in या प्रणालीवर ऑनलाईन अर्ज
सादर करताना मतदारांनी यादी भाग क्रमांक व अनुक्रमांक अचूक नमूद करावा. मतदार
यादीत नावाची नोंद असेल तरच निवडणुकीत आपल्याला मतदानाचा हक्क बजावता येतो. या
पुनरिक्षण कार्यक्रमात वंचीत मतदारांनी नोंदणी करावी, असे आवाहनही जिल्हाधिकारी
दौलत देसाई यांनी केले आहे.
00000
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.