कोल्हापूर, दि. 5
(जि.मा.का.) : इचलकरंजी शहरामध्ये वाढलेल्या वाहनांची संख्या, होणारी वाहतूक
कोंडी, अवजड वाहने तसेच ऊस वाहतूक करणारी वाहने यांच्यात झालेली वाढ पाहून 9 मार्च
ते 23 मार्च या कालावधीत शहरातील वाहतूक मार्गात नियोजन करण्यात आले आहे.
इचलकरंजी
शहरात अपघाताचे प्रमाण वाढल्याने त्यावर उपाययोजना करण्यासाठी पोलीस अधिक्षक डॉ.
अभिनव देशमुख यांनी पोलीस अधिनियम 1951 चे कलम 33 पोटकलम 1 (ब) अन्वये रहदारी
विनीमयनाचे तरतुदीनुसार दिनांक 9 मार्च ते 23 मार्च या कालावधीत वाहतूक नियोजन
निर्देश जारी केले आहेत.
इचलकरंजी शहरामध्ये दुचाकी,
चारचाकी वाहने, अवजड वाहने तसेच ऊस वाहतूक करणारी वाहने यांची संख्या मोठ्या
प्रमाणात वाढल्याने गंभीर व प्राणांकित अपघात, वाहतूक कोंडी, शासकीय मालमत्तेचे
नुकसान होवून कायदा व सुव्यवस्थेचा प्रश्न निर्माण होवू शकतो. दिनांक 9 ते 23
मार्च या कालावधीत खालील मार्गे वाहतूक नियमन करण्यात आली आहे.
1) नवीन एकेरी मार्ग
चांदणी चौक ते मरगुबाई मंदीराजवळचा डी पी असा
एकेरी मार्ग व मरगुबाई मंदीराजवळचा डी पी ते चांदणी चौक वाहने जाणेस बंदी. गुलाबकुंज चौक ते उत्तम
प्रकाश टॉकीज चौक असा एकेरी मार्ग व उत्तम प्रकाश टॉकीज चौक ते गुलाबकुंज चौक
वाहने जाण्यास बंदी, ए. एस. सी. कॉलेज ते विवेकानंद हायस्कूल गेट चौक असा एकेरी
मार्ग व विवेकानंद हायस्कूल गेट चौक ते ए.एस.सी. कॉलेज चौक जाण्यास बंदी.
2) नवीन पी.1-पी.-2 समविषम तारखेप्रमाणे पार्किंग रोड
शाहू पुतळा चौक ते नवीन नगरपालिका, कॅबसन हॉटेल
ते जुने बस स्टँड.
3) नवीन नो-पार्किंग
झोन-
रसना कॉर्नर ते झेंडा चौक, महासत्ता चौक
ते झेंडा चौक. भगतसिंह गार्डनचे गेटसमोर लोखंडी ग्रीलसमोर तसेच भगतसिंह गार्डन ते
थोरात चौक अवजड वाहनांना नो पार्किंग.
4) नो पार्किंग चौक-
खालील चौकापासून 25 मीटर सर्व बाजूच्या
रस्त्यांना लागू राहील. ए.एस.सी. कॉलेज चौक, शाहू पुतळा चौक, यशवंत प्रोसेस चौक,
शिवाजी पुतळा चौक, गांधी पुतळा चौक, राजवाडा चौक, रसना कॉर्नर चौक, मरगुबाई
मंदिर चौक, उत्तम प्रकाश टॉकीज चौक,
संभाजी चौक, तीन बत्ती चौक, गुलाबकुंज चौक, लिंबू चौक, नवीन नगरपालिका चौक, वर्धमा
चौक, राधाकृष्ण टॉकीज चौक, थोरात चौक, डॉ. बाबासाहेब आंबेडकर पुतळा चौक, वाळू
अड्डा चौक, डेक्कन चौक व फॉर्चून चौक.
5) नवीन सायलन्स झोन-
महासत्ता चौक ते झेंडा चौक, गोककुळ चौक
ते आय.जी.एम. दवाखाना, पद्मा पॉवर लॉड्री ते नामदेव भवन मैदान ते विनायक
मार्केटिंग ते धुत बिल्डिंग.
6) अवजड वाहनांना प्रमुख
मार्गावर बंदी- जुना बंदी आदेश-
छ. शिवाजी पुतळा ते मलाबादे चौक ते
गांधी पुतळा ते नारायण चित्रमंदिर तसेच राजवाडा चौक-सकाळी 9 ते 14 वा. पर्यंत व
दुपारी 16 ते 20.30 पर्यंत या वेळेत अवजड वाहनांस बंदी घालून इतर वेळी रात्री
20.30 ते सकाळी 9 व दुपारी 14 ते 16 पर्यंत ये-जा करण्यास सवलत देण्यात यावी.
वरील बंदी आदेशात खालीलप्रमाणे बदल
करण्यात येत आहेत.
1) इचलकरंजी शहरामध्ये मरगुबाई मंदिर ते
गुलाबकुंज चौक ते लिंबू चौक ते चंदूर फाटा ते बंडगर माळ ते शाहू पुतळा ते नवीन
नगरपालिका ते वर्धमान चौक ते राधाकृष्ण टॉकीज ते थोरात चौक ते महासत्ता चौक ते
राजवाडा चौक ते रसना कॉर्नर ते मरगुबाई मंदिर
या मार्गे अवजड वाहनांची वाहतूक करता येईल. या रिंगरोडवरून शहरात आतमध्ये
अवजड वाहनांना यामध्ये 3 टन वजन क्षमतेपेक्षा जास्त परवाना असलेले हलकी, जड व अवजउ
वाहने, ऊस वाहतूक करणारे ट्रक, ट्रॅक्टर ट्रॉलीज, बैलगाडी तसेच बसेसना सकाळी 9 ते
रात्री 21 वा.चे दरम्यान बंदी करण्यात येत आहे. ( एसटी, स्कूल बस, नगरपालिकेची
वाहने व आपत्कालीन कालावधीत येणारी वाहने वगळून) अवजड वाहनांना रात्री 21 ते सकाळी
9 पर्यंत ये-जा करण्यास सवलत देण्यात येत आहे.
2) ऊस वाहतूक करणाऱ्या वाहनांना यामध्ये
ट्रक, ट्रॅक्टर, ट्रॉलीज, बैलगाडी यांनी 16 ते 21 वा. चे दरम्यान कबनूर चौकात
येण्यासाठी चंदूर-रूईकडून, पंचगंगा साखर कारखानाकडून, इचलकरंजी व कोल्हापूर
रोडकडून बंदी करण्यात येते व इचलकरंजी
शहरामध्ये मरगुबाई मंदिर ते गुलाबकुंज चौक ते लिंबू चौक ते चंदूर फाटा ते बंडगर
माळ ते शाहू पुतळा ते नवीन नगरपालिका या मार्गे 16 ते 21 वा. चे दरम्यान बंदी
करण्यात येत आहे.
7) इचलकरंजी शहरातील
आठवडा बाजार ठिकाणे-
1) थोरात चौक- शुक्रवार
इचलकरंजी शहरातील थोरात चौकातील आठवडा
बाजार हा खवरे मार्केट येथील नियोजित जागी बसेल. थोरात चौकात व रस्त्यावरील
रहदारीस अडथथ होईल असे कोणताही विक्रेते, हातगाडे किंवा रिक्षावाले इतर वाहने
थांबणार नाहीत. बाजारात विक्रीसाठी येणारे विक्रेते यांनी आपली वाहने व बाजारात
खरेदीसाठी येणाऱ्या दुचाकी व चारचाकी वाहनाची खवरे मार्केटच्या उत्तर बाजूस राजीव
गांधी हॉलच्या रिकाम्या जागी पार्किंग करावे.
2) उत्तम प्रकाश टॉकीज
चौक- मंगळवार व शुक्रवार बाजार-
उत्तम प्रकाश टॉकीजवळील आठवडा बाजार हा मार्केट
येथील नियोजन जागी बसेल. रस्त्यावर रहदारीस अडथळा होईल असे कोणतेही विक्रेते,
हातगाडे किंवा रिक्षावाले इतर वाहने थांबणार नाहीत. बाजारात खरेदीसाठी
येणाऱ्यांसाठी दुचाकी वाहनांनी पार्किंग मार्केटच्या उत्तर बाजूस असलेल्या
पूर्व-पश्चिम रोडवर रहदारीस अडथळा होणार नाही अशा पध्दतीने पार्किंग करावयाची
आहेत.
याबाबत कोणतीही सामाजिक संघटना, ज्येष्ठ
नागरिक व्यापारी व अन्य यांच्याकडून हरकती किंवा आक्षेप असतील तर सहा. पोलीस
निरीक्षक, शहर वाहतूक शाखा इचलकरंजी येथे कळवावे.
00000
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.