प्रकल्पग्रस्तांनी जमीन व भूखंड मागणीचे अर्ज सादर करावेत

 

 

 

कोल्हापूर दि. 16 (जिमाका):  प्रकल्पग्रस्तांच्या अडीअडचणींचा निपटारा होण्यासाठी व प्रकल्पग्रस्तांचे कामकाज जलदगतीने होण्यासाठी पाटबंधारे प्रकल्पातील प्रकल्पग्रस्तांना जमीन व भूखंड वाटपाबाबत कार्यक्रम निश्चित केला आहे. प्रकल्पातील जमीन व भूखंड मिळण्यास शिल्लक असलेल्या प्रकल्पग्रस्तांनी जमीन व भूखंड मागणीचे अर्ज नमुद केलेल्या ठिकाणी  सकाळी 11 ते सायंकाळी 5 या वेळेत समक्ष उपस्थित राहून सादर करावेत, असे आवाहन पुनर्वसन उपजिल्हाधिकारी अश्विनी  सोनावणे-जिरंगे यांनी पत्रकाव्दारे केले आहे. प्रकल्पाचे नाव, संबंधित प्रकल्प अधिकाऱ्याचे नाव, अर्ज करावयाचा दिनांक व अर्ज करावयाचे ठिकाण याप्रमाणे- उचंगी- उपविभागीय अधिकारी, आजरा भुदरगड- दि. 22 डिसेंबर रोजी  तहसिलदार कार्यालय आजरा. सर्फनाला-उपविभागीय अधिकारी, आजरा भुदरगड-23 डिसेंबर रोजी तहसिलदार कार्यालय आजरा. आंबेओहोळ- उपविभागीय अधिकारी, गडहिंग्लज- 29 डिसेंबर रोजी  तहसिलदार कार्यालय आजरा. नागनवाड़ी-  उपविभागीय अधिकारी, राधानगरी- कागल विभाग, कोल्हापूर- 30 डिसेंबर रोजी तहसिलदार कार्यालय भुदरगड. चांदोली -उपविभागीय अधिकारी, इचलकरंजी- 5 व 6 जानेवारी 2022 रोजी उपविभागीय अधिकारी इचलकरंजी कार्यालय, इचलकरंजी. वारणा उपजिल्हाधिकारी (पुनर्वसन) कोल्हापूर- 12 व 13 जानेवारी 2022 रोजी जिल्हा पुनर्वसन कार्यालय, कोल्हापूर. धामणी उपविभागीय अधिकारी राधानगरी- कागल विभाग कोल्हापूर- 19 जानेवारी 2022 रोजी मौजे राई ता. राधानगरी  याप्रमाणे आहे.  नमुद केलेल्या दिनांकास व नमुद केलेल्या ठिकाणी ज्या प्रकल्पग्रस्तांना जमीन व भूखंड मिळालेला नाही  त्यांनी अर्ज व त्यासोबत 65 टक्के रक्कम भरल्याचा पुरावा व बुडीत जमिनीची सर्व कागदपत्रे सादर करावीत. 0000000