कोल्हापूर, दि. 29 (जिमाका) : प्रत्येक हंगामात
सुधारित व अधिक उत्पादन देणाऱ्या नवीन वाणाचे बियाणे खरेदी करणे शेतकऱ्यांना
परवडणारे नाही. त्यामुळे शेतकऱ्यांनी आपल्याच शेतात बिजोत्पादन करावे. त्यासाठी
महात्मा फुले कृषी विद्यापीठ, राहुरी व आघारकर संशोधन केंद्र, पुणे व कृषी विज्ञान
केंद्र बारामती, पुणे संस्थेकडे तसेच जिल्ह्यातील महाबीज कार्यालयाकडे सुधारीत व
अधिक उत्पादन देणाऱ्या पिकाचे बियाणे उपलब्ध आहे. इच्छुक शेतकऱ्यांनी, शेतकरी
गटांनी, बीजोत्पादक संस्थांनी हा बीजोत्पादनाचा कार्यक्रम राबवावा. अधिक माहितीसाठी
संबंधित जिल्हा बीज प्रमाणिकरण अधिकारी कार्यालयाशी अथवा महाबीज कार्यालयाशी संपर्क
साधावा, असे आवाहन विभागीय बीज प्रमाणिकरण अधिकारी वाय.सी. कोरडे यांनी केले आहे.
पेरणीपूर्वी बियाण्याची पडताळणी महाराष्ट्र राज्य बीज प्रमाणिकरण
यंत्रणेकडून करून घ्यावी व पेरणीनंतर संबंधित जिल्हा बीज प्रमाणिकरण अधिकारी
कार्यालयाकडे त्याची नोंदणी करावी. पीक निहाय क्षेत्र नोंदणीची मुदत खाली नमुद
केल्याप्रमाणे आहे. मूग,उडीद नोंदणीची अंतिम तारीख 25 जुलै व शुल्क भरण्याची अंतिम
तारीख 31 जुलै, सोयाबीन,ज्वारी बाजरी, भुईमूग, तूर, ज्युट व कापूस नोंदणीची तारीख
31 जुलै व शुल्क भरण्याची 6 ऑगस्ट, धान पीकासाठी नोंदणीची तारीख 20 ऑगस्ट व शुल्क
भरण्याची 26 ऑगस्ट, सूर्यफुल व इतर खरीप पिकांसाठी नोंदणीची तारीख 31 ऑगस्ट व
शुल्क तारीख 6 सप्टेंबर अशी राहिल.
बिजोत्पादक संस्थांनी बिजोत्पादक शेतकऱ्यांच्या
शेतावर घ्यावयाच्या बिजोत्पादन कार्यक्रमाचे क्षेत्र नोंदणी प्रस्ताव बीज
प्रमाणिकरण यंत्रणेकडे विहीत मुदतीत सादर करणे आवश्यक आहे. बिजोत्पादन क्षेत्र
नोंदणीसाठी आवश्यक दस्ताऐवज पुढीलप्रमाणे (बीजोत्पादक संस्थेने सादर करणे आवश्यक)
बिजोत्पादक संस्थेचा नोंदणी व बियाणे विक्री परवाना, बिजोत्पादक संस्थेच्या
प्रतिनिधीचे अधिकारपत्र, 500 रूपयाचा विहीत नमुन्यातील करारनामा, स्त्रोत बियाणे
खरेदी बील, स्त्रोत पडताळणी अहवाल (जिल्हा निहाय नियोजनासह), बिजोत्पादकांच्या
स्वाक्षरीचा विहीत नमुन्यातील अर्ज, बिजोत्पादकांचे महसुली 7/12, 8 अ दस्तावेज,
बिजोत्पादकाचे आधार क्रमांक व बँक खाते क्रमांक, संस्था व बिजोत्पादकामधील
व्दिपक्षीय करारनामा, पैदासकार प्रमाणपत्र ,मुळ मुक्तता अहवाल.
संपर्कासाठी दूरध्वनी क्रमांक-जिल्हा
बीज प्रमाणिकरण अधिकारी अहमदनगर-0241-2470796, जिल्हा बीज प्रमाणिकरण अधिकारी
पुणे- 020-26122887, (सोलापूर,रायगड व पुणे जिल्ह्यातील शेतकऱ्यांसाठी) जिल्हा बीज
प्रमाणिकरण अधिकारी सातारा- 02162-237024, (सातारा, सांगली, रत्नागिरी, सिंधुदुर्ग
व कोल्हापूर जिल्ह्यातील शेतकऱ्यांसाठी) आघारकर संशोधन केंद्र पुणे, श्री
चव्हाण-7767988870, श्री.गीते- 9404214912, श्री. इढोळ - 9767573184, महात्मा फुले
कृषी विद्यापीठ राहुरी - 02426-243355.
00000
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.