कोल्हापूर, दि. 31
(जि.मा.का.) : जिल्हा आपत्ती
व्यवस्थापन प्राधिकरण जिल्हाधिकारी कार्यालय रिलायन्स फौन्डेशन, रिलायन्स रिटेल व
रिलायन्स जिओ यांच्या संयुक्त विद्यमाने रिलायन्स मॉलमधील अधिकारी, कर्मचारी व
ग्राहकांसाठी आपत्ती व्यवस्थापन प्रशिक्षण कार्यक्रम घेण्यात आला.
या प्रशिक्षणामध्ये जिल्हा आपत्ती व्यवस्थापन अधिकारी प्रसाद
संकपाळ, रिलायन्स फाउंडेशनचे राज्य, व्यवस्थापक दीपक केकन, महाराष्ट्र रिलायन्स
रिटेलचे आरोग्य व सुरक्षा प्रमुख वैभव खामकर, रिलायन्स फाउंडेशनचे अभिजीत ठाकरे
रिलायन्स मॉल मधील अधिकारी व कर्मचारी व ग्राहकांसाठी आपत्ती व्यवस्थापन विषयी
मार्गदर्शन केले. गर्दीच्या
ठिकाणी आपत्तीजनक परिस्थिती निर्माण झाली तर नियंत्रण कसे करावे, तसेच स्वत:चा व
दुसऱ्याचा जीव कसा वाचवावा, महिला व मुले
यांना सुरक्षीत ठिकाणी कसे पोहचवावे यावर प्रशिक्षणामध्ये
माहिती देण्यात आली. जिल्ह्यातील एकूण 85 लोकांनी सहभाग घेतला होता.
या कार्यक्रमासाठी स्वप्निल मेटके, सुनील कदम,
सुजित कांबळे, पुष्कराज जोशी, संजय यादव, रणजित काटकर, रिलायन्स फौंडेशनचे विभागीय
व्यवस्थापक मारुती खडके, नवनाथ माने आदी उपस्थित होते.
00000
कोणत्याही टिप्पण्या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.