कोल्हापूर दि. 13 (जिमाका) : : भारत
निवडणूक आयोगाने राज्यातील सर्व विधानसभा मतदार
संघाच्या मतदार याद्यांच्या अंतीम मतदार यादी
प्रसिध्दीनंतर मतदार यादीत नाव नोंदणीसंदर्भात निरंतर पुनरिक्षण कार्यक्रम सुरु केला
असल्याची माहिती जिल्हाधिकारी तथा जिल्हा निवडणूक अधिकारी दौलत देसाई यांनी दिली.
आगामी सार्वत्रिक
विधानसभा निवडणूक 2019 च्या अनुषंगाने मतदार यादीत नांव नोंदणीसाठी पात्र, तथापि अद्यापही
मतदार यादीत नाव सामाविष्ट नसलेल्या सर्व पात्र नागरिकांना मतदार यादीत नाव सामाविष्ट
करण्यासाठी संधी उपलब्ध झालेली आहे. मतदारांनी आपल्या आवश्यकते प्रमाणे नमुना क्रमांक
6 (मतदार यादीत नाव सामाविष्ट करावयासाठी अर्ज), नमुना क्रमांक 7 (मतदार यादीतील नावांची
वगळणी करावयासाठी अर्ज), नमुना क्रमांक 08 (मतदार यादीतील तपशिलामध्ये करावयाच्या दुरुस्तीसाठी
अर्ज),नमुना क्रमांक 08अ (एकाच मतदार संघात मतदार यादीच्या नोंदीचे स्थानांतर करावयासाठी
अर्ज) अर्ज मतदान केंद्रस्तरीय अधिकारी (BLO) किंवा संबंधित तालुक्यातील तहसिल कार्यालय
(निवडणूक शाखा) यांच्याकडे सादर करावेत किंवा आयोगाने विकसित केलेल्या https://www.nvsp.in/ प्रणालीवर
ऑनलाईन पध्दतीने सादर करण्यात यावेत.आयोगाच्या https:// www.nvsp.in/ ऑनलाईन अर्ज
सादर करताना मतदारांनी यादी भाग क्रमांक वा अनुक्रमांक अचूक नमुद करावे. मतदार यादीत
नावाची नोंद असेल तरच निवडणुकीत आपल्या मतदानाचा हक्क बजावता येतो. सबब आगामी सार्वत्रिका
विधानसभा 2019 निवडणुकीसाठी सर्वात प्रथम प्राधान्याने आपली नावे या कार्यक्रमांतर्गत
यादीत नोंद करावीत. असे आवाहन जिल्हाधिकरी तथा जिल्हा निवडणूक अधिकारी यांनी केले आहे.
भारत निवडणूक आयोगाने दिनांक 01 जानेवारी, 2019 या अर्हता दिनांकावर आधारीत
सखोल पुनरिक्षण कार्यक्रमात दिनांक 15 जुलै, 2019 (सोमवार)
रोजी प्रारुप मतदार यादी प्रसिध्दी करण्यात येईल. सदरची मतदार यादी मतदार नोंदणी अधिकारी
तथा उपविभागीय अधिकारी(ERO), सहायक मतदार नोंदणी अधिकारी तथा तहसिलदार (ERO), मतदान
केंद्रस्तरीय अधिकारी(BLO) यांच्याकडे अवलोकनार्थ उपलब्ध आहेत. त्याचबरोबर सदरची मतदार
यादीआयोगाच्या https://ceo.maharashtra.gov.in/ किंवा जिल्हाधिकारी कोल्हापूर यांच्या https://kolhapur.gov.in/ या संकेतस्थळावर देखील उपलब्ध आहे.
कार्यक्रमाचा कालावधी पुढीलप्रमाणे आहे.
दिनांक 15 जुलै, 2019 रोजी प्रारुप मतदार याद्यांची प्रसिध्दी, दिनांक
15 जुलै ते 30 जुलै, 2019, दावे व हरकती स्वीकारण्याचा कालावधी आहे, 20 ते 21 जुलै व
27 ते 28 जुलै, 2019 हा विशेष मोहिमेचा कालावधी
आहे. दिनांक 05 ऑगस्ट 2019 पर्यंत पर्यवेक्षक/सहायक मतदार नोंदणी अधिकारी/मतदार
नोंदणी अधिकारी व्दारा तपासणी कार्यक्रम आहे. दिनांक 13 ऑगस्ट, 2019 पर्यंत दावे व
हरकती निकाली काढणे, दिनांक 16 ऑगस्ट, 2019 पर्यंत उपजिल्हा निवडणूक अधिकारी/ जिल्हा
निवडणूक अधिकारी/मतदार यादी निरिक्षक यांच्याव्दारे मतदार यादीची विशेष तपासणी डाटाबेसचे
अद्यावतीकरण, पुरवणी याद्यांची छपाई इत्यादी, दिनांक 19 ऑगस्ट, 2019 अंतीम मतदार यादी
प्रसिध्दी करणे.
दिनांक 15 जुलै,
(सोमवार) ते 30 जुलै, 2019 (मंगळवार) या कालावधीत मतदार नोंदणीसंदर्भातील दावे व हरकती
(नमुना क्रमांक 06,06अ, 07,08 व 08अ) मतदान केंद्रस्तरीय अधिकारी (BLO) किंवा संबंधित
तालुक्यातील तहसिल कार्यालय (निवडणूक शाखा) यांच्याकडे स्वीकारण्यात येणार आहेत.
तसेच दिनांक 20
जुलै, 21 जुलै,27 जुलै 2019 व दि.28 जुलै रोजी प्रत्येक मतदान केंद्रावर विशेष मोहिमेचे
आयोजन करणेत येणार आहे. या दिवशी सर्व मतदान केंद्रस्तरीय अधिकारी (BLO) दावे व हरकती
(नमुना क्रमांक 06,06अ, 07,08 व 08अ) स्वीकरण्यासाठी मतदान केंद्रावर उपस्थित राहणार
आहेत.
000000
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.