कोल्हापूर, दि. 30 (जिमाका) : येथील मोरेवाडी परिसरात
वाहन निरीक्षण आणि परिक्षण केंद्र होणार असून राज्यात अशाप्रकारचे नाशिक येथे
केंद्र आहे, अशी माहिती उप प्रादेशिक परिवहन अधिकारी डॉ. स्टिव्हन अल्वारीस यांनी
आज दिली.
डॉ. अल्वारीस
पुढे म्हणाले, राज्य शासनाने मोरेवाडी येथील पाच एकर जागा यासाठी मंजूर केली आहे.
या केंद्रासाठी अंदाजे 15 कोटीचा खर्च अपेक्षित आहे. याठिकाणी अवजड वाहनांसाठी दोन
व हालक्या वाहनासाठी दोन अशा चार लेन्स असणार आहेत. याठिकाणी वाहनाचे स्वयंचलित
निरीक्षण आणि परिक्षण होणार आहे. प्रामुख्याने ब्रेक, व्हील अलायमेंट, इंजिन
तपासणी आदींचा समावेश असणार आहे. यामध्ये मानवी हस्तक्षेप अत्यंत नगण्य असणार आहे.
वाहन निरीक्षण आणि परिक्षण केंद्राबरोबरच प्रशासकीय इमारत यंत्रसामुग्रीसह उभी
राहणार आहे.
पोलीस
ठाणे, केएमटी कार्यशाळा, एसटी महामंडळ कार्यशाळा याठिकाणी विविध कारवाईतील गेल्या
दोन वर्षांपासून पडून असणाऱ्या 174 बेवारस वाहनांचा लिलाव टप्या टप्याने होणार
असून याला जिल्हाधिकाऱ्यांनी नुकतीच मान्यता दिली आहे. या लिलावामधून पडू असणारी
जागा रिकामी होईल. त्याचबरोबर होणाऱ्या लिलावातून शासनाकडे महसूल जमा होईल. ट्रक,
रिक्षा, बसेस, छोटी वाहने आदींचा या बेवारस वाहनांमध्ये समावेश असे डॉ. अल्वारीस
म्हणाले.
000000
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.