कोल्हापूर, दि. 3 (जिमाका) : मुख्य पोस्ट मास्टर जनरल
मुंबई येथे 110 व्या डाक अदालतीचे 25 सप्टेंबर रोजी सकाळी 11 वाजता आयोजन करण्यात
आले आहे, अशी माहिती डाकघर विभागाचे प्रवर अधीक्षक ईश्वर पाटील यांनी दिली.
महाराष्ट्र आणि गोवा राज्याशी संबंधित पोस्टाच्या सेवेविषयी किंवा
कामकाजाबद्दल ज्या तक्रारींचे निवारण सहा आठवड्याच्या आत झाले नसेल व समाधानकारक
उत्तर मिळाले नसेल अशा तक्रारींची या डाक अदालतीमध्ये दखल घेतली जाणार आहे. विशेषत:
टपाल वस्तू,मनीऑर्डर,बचत खाते,प्रमाणपत्र इत्यादी बाबतच्या तक्रारी विचारात
घेतल्या जातील.
संबंधितांनी डाक सेवेबाबतची तक्रार
सहायक निदेशक डाक सेवा (ज.शि.) एस.जी.लिये आणि सचिव डाक अदालत,मुख्य पोस्टमास्टर
जनरल यांचे कार्यालय,मुंबई जी.पी.ओ. इमारत, दुसरा माळा,मुंबई यांच्या नावे दोन
प्रतींसह दिनांक 10 सप्टेंबरपर्यंत अथवा तत्पूर्वी पोहचेल अशारितीने पाठवावी.
00000
कोणत्याही टिप्पण्‍या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.